Filiom Om Kopwe Angang ngeni Kot

1. Ren om kopwe emon chiechien Kot, epwe lamot om kopwe sileifichi ekkewe enlet lon ewe Paipel (1 Timoti 2:3, 4), eani lukuluk won minne ka fen kaeo (Ipru 11:6), aier seni om kewe tipis (Fofor 17:30, 31), me kul seni ewe sokkun manau ka pin manaueni. (Fofor 3:19) Ika ina, om tong ngeni Kot epwe amwokutuk om kopwe fangelo manauom ngeni. A wewe ngeni pwe lon pwisin om iotek kopwe esile ngeni pwe kopwe pennukuolo manauom pwe kopwe fori letipan.—Mattu 16:24; 22:37.

2. Mwirin om fangelo manauom ngeni Kot, kopwe papataiselo. (Mattu 28:19, 20) Om kopwe papatais epwe esile ngeni aramas meinisin pwe ka fen fangelo pwisin manauom ngeni Jiowa. Ina pwata papatais epwe chok fich ngeni ekkewe mi tori ewe aukuukun ier ar repwe tongeni pwisin filata ar repwe angang ngeni Kot. Lupwen emon epwe papatais, unusen inisin we epwe kokotiu fan ewe konik.*—Mark 1:9, 10; Fofor 8:36.

3. Mwirin ka fen fangelo manauom, Jiowa epwe kutta sonuk om kopwe atipeeufengenni manauom me om we pwon ngeni. (Kol Fel 50:14; An Salomon Afalafal 5:4, 5) Ewe Tefil epwe sotun eppetuk seni om angang ngeni Jiowa. (1 Piter 5:8) Nge arap ngeni Jiowa lon iotek. (Filipai 4:6, 7) Kaeo an we Kapas iteiten ran. (Kol Fel 1:1-3) Fitipach ngeni ewe mwichefel. (Ipru 13:17) Ren om kopwe fori ekkeei mettoch meinisin, kopwe angei ewe pochokkul le akkamwochu om tuppwol ngeni Kot. Epwe ina ussun kopwe tongeni fori minne Kot a kutta sonuk tori feilfeilo chok!

En mi mochen angei pwal ekkoch poraus are kaeo ewe Paipel nge ese kamo? Mak ngeni Chon Pwarata Jiowa ren ewe address mi kan ngonuk. Ekkewe address

* Epwe murinno an emon kaeo ewe puk Knowledge That Leads to Everlasting Life, are pwal eu puk mi for ren ewe Watch Tower Bible and Tract Society, fan iten an epwe mmonleta pwe epwe papatais.

Copyright © 2006 Watch Tower Bible and Tract Society of Pennsylvania. All rights reserved.