Аскъуыддзаг кæн Хуыцауæн лæггад кæнын

1. Цæмæй Хуыцауы хæлар суай, уый тыххæй хъуамæ Библийы æцæгад хорз базонай (1 Тимофеймæ 2:3, 4), цы базыдтай, ууыл æууæндай (Дзуттытæм 11:6), дæ тæригъæдтыл æрфæсмон кæнай (Куыстытæ 17:30, 31) æмæ дæ цардыуаг фæивай (Куыстытæ 3:19). Уый фæстæ Хуыцауы кæй бауарзтай, уымæ гæсгæ дæ бафæнддзæн нывонддзырд ын радтын. Уый нысан кæны, дæ цард Хуыцауы фæндон æххæст кæнынæн кæй дæттыс, уый тыххæй йæм хибарæй скувын (Матфейы 16:24; 22:37).

2. Хуыцауæн нывонддзырд куы радтай, уый фæстæ дæ бон у донаргъуыд райсын (Матфейы 28:19, 20). Аргъуыд куы райсай, уæд алчидæр базондзæн, Иегъовæйæн нывонддзырд кæй радтай, уый. Уымæ гæсгæ донаргъуыд райсын йæ бон у æрмæстдæр ахæм адæймагæн, йæхи уыйбæрц æмбарынхъом чи у, æмæ аскъуыддзаг кæна, Хуыцауæн кæй лæггад кæндзæн. Адæймаг донаргъуыд куы фæисы, уæд хъуамæ иу уысммæ æнæхъæнæйдæр доны бын фæуа* (Маркы 1:9, 10; Куыстытæ 8:36).

3. Иегъовæйæн кæд нывонддзырд радтай, уæд йæ разы хæсджын дæ дæ дзырдмæ гæсгæ цæрын (Псалом 49:14; Екклесиаст 5:3, 4). Хæйрæг архайдзæн, цæмæй Иегъовæйæн мауал лæггад кæнай (1 Петры 5:8). Фæлæ Хуыцаумæ кув æмæ йæм уый руаджы æввахсдæр кæн (Филиппæгтæм 4:6, 7). Алы бон дæр ын кæс йæ Ныхас (Псалом 1:1—3). Æмбырды хъуыддæгты æхсызгонæй архай (Дзуттытæм 13:17). Æппæт адæттæ куы аразай, уæд дын уый æххуыс кæндзæн Хуыцауæн иузæрдионæй лæггад кæнынæн. Афтæмæй æнустæм дæ бон уыдзæн, Хуыцау дæ цы домы, уый æххæст кæнын!

Фæнды дæ фылдæр базонын кæнæ цæмæй демæ хæдзары Библи лæвар ахуыр кæной? Ныффысс Иегъовæйы Æвдисæнтæм дæлдæр лæвæрд адристæй сæ иуыл. Адристæ

* Донаргъуыдмæ бацæттæ кæнынæн хъæуы сахуыр кæнын чиныг «Æнусон цардмæ кæнæг базонынад» кæнæ Иегъовæйы Æвдисæнты уагъд æндæр ахуыргæнæн чиныг.

Copyright © 2006 Watch Tower Bible and Tract Society of Pennsylvania. All rights reserved.