Хуыцау нæ цы домы, уый куыд ис базонæн?

1. Библи у Хуыцауы зынаргъ лæвар. Уый абарæн ис, уарзон фыд йæ хъæбултæм кæй ныффыста, ахæм фыстæгимæ. Библийы ис æцæгад Хуыцауы тыххæй — чи у æмæ нæ цы домы. Амоны нын, зындзинæдтæ куы фæзыны, уæд цы аразын хъæуы, æмæ æцæг амонд куыд ссарæн ис, уый. Цæмæй нæ Хуыцау райгонд уа, уый тыххæй нæ цы аразын хъæуы, уый æрмæстдæр Библийæ ис базонæн (Псалом 1:1—3; Исай 48:17, 18).

2. Н. э. агъоммæ 1513 азæй, 1 600 азы дæргъы Библи фыстой 40 адæймаджы бæрц. Библийы ис 66 гыццыл чиныджы. Чи йæ фыста, уыдоны разæнгард кодта Хуыцау йæ сыгъдæг удæй. Уыдон сæхи хъуыдытæ нæ фыстой, фæлæ Хуыцауы хъуыдытæ. Уæдæ Библийы Автор адæймаг нæу, фæлæ уæларвон Хуыцау (2 Тимофеймæ 3:16, 17; 2 Петры 1:20, 21).

3. Хуыцау батыхстис, цæмæй-иу Библийы фысгæ-фыссын мацы фæивтаиккой æмæ цæмæй абоны онг æрхæццæ уыдаид. Библитæ цас рацыд мыхуыры, уыйбæрц æндæр ницавæр чиныг рацыд. Библи кæй ахуыр кæныс, уый алкæй зæрдæмæ нæ цæудзæн, фæлæ дæ уый ма бакъуылымпы кæнæд. Кæд исчи дæ ныхмæ цæуа, уæддæр ма рох кæн: Хуыцауы базондзынæ æмæ йын йæ фæндон æххæст кæндзынæ æви нæ, ууыл баст у де ’нусон фидæн (Матфейы 5:10—12; Иоанны 17:3).

Copyright © 2006 Watch Tower Bible and Tract Society of Pennsylvania. All rights reserved.