Ацы брошюрæ арæзт у Библи ахуыр кæнынæн. Куыд дзы пайда кæнын хъæуы? Зæгъæм, афтæ. Алы урочы райдианы дæр ис фарстытæ. Алы фарсты кæрон дæр къæлæтты ис, сæ дзуаппытæ кæм сты, уыцы абзацты номыртæ. Фыццаг уал бакæс фарстытæ. Ахъуыды сыл кæн. Уый фæстæ алы абзац дæр бакæс, æмæ дзы Фыстадæй цы бынæттæ ис хаст, уыдон дæр дæ Библийы бакæс. Урокыл æнæхъæнæй куы рацæуай, уæд та фæстæмæ раздæх фарстытæм æмæ дзы алкæцыйæн дæр бацархай Библийæ дзуапп радтын. Афтæмæй брошюрæ æнæхъæнæй каст куы фæуай, уæд сæрæй кæронмæ фарстытæ иууылдæр сфæлхат кæн. |
