 |
Beliefs | Future | Medical | Topics | Contact Us | Publications | Languages |
| God i Laik Yumi Mas Mekim Wanem? | Stadi 14  |
Ol Witnes Bilong Jehova i Mekim Wok Bilong Ol Olsem Wanem? |
|
 |
Long taim bilong yumi, ol Witnes Bilong Jehova i kirapim wok bilong ol long wanem taim? (1) |
|
Ol Witnes Bilong Jehova i save mekim ol miting olsem wanem? (2) |
|
Olsem wanem ol i save kisim mani bilong baim ol samting? (3) |
|
Husat i go pas long ol wok insait long ol wan wan kongrigesen? (4) |
|
Ol i save mekim wanem ol bikpela miting long olgeta yia? (5) |
|
Ol i save mekim wanem wok long nambawan ofis bilong ol na long ol brens-ofis? (6) |
1. Long taim bilong yumi, ol Witnes Bilong Jehova i bin kirapim wok bilong ol long yia 1870 samting. Pastaim ol i bin kolim ol olsem ol Sumatin Bilong Baibel. Tasol long 1931, ol i kisim wanpela nem i stap long Baibel, em ol Witnes Bilong Jehova. (Aisaia 43:10) Pastaim ol i liklik lain, tasol ol i go bikpela inap sampela milion Witnes na ol i wok long autim tok long 230 samting kantri. 
2. Klostu olgeta kongrigesen bilong ol Witnes Bilong Jehova i save bung tripela taim long olgeta wan wan wik. Mipela singautim yu long kam long ol dispela miting. (Hibru 10:24, 25) Baibel em i as bilong ol tok ol i skulim ol man long en. Bilong kirapim na pinisim miting ol i save beten. Long klostu olgeta miting, ol i mekim ol “singsing bilong lotu.” (Efesus 5:18, 19) Na ol i no save singaut long mani.—Matyu 10:8. 3. Klostu olgeta kongrigesen i save mekim ol miting insait long wanpela Haus Kingdom. Em ol haus i no gat planti bilas o bikpela pe na ol Witnes yet i bin wokim. Yu no inap lukim ol imis, kruse, o kain samting olsem long ol Haus Kingdom. Bilong baim ol samting, ol Witnes i save givim mani long laik bilong ol yet. I gat bokis kontribiusen i stap bilong ol man i laik givim mani.—2 Korin 9:7.
4. Long olgeta kongrigesen i gat ol elda, o wasman. Ol i go pas long skulim kongrigesen. (1 Timoti 3:1-7; 5:17) Ol wokman bilong kongrigesen i save helpim ol. (1 Timoti 3:8-10, 12, 13) Ol dispela man i no olsem bos bilong ol narapela long kongrigesen. (2 Korin 1:24) Ol i no kisim ol bikpela nem. (Matyu 23:8-10) Ol i no putim bilas i narapela kain. Ol i no kisim pe long wok bilong ol. Ol elda i gat laik tru long lukautim kongrigesen long ol samting bilong spirit. Ol inap strongim na stiaim kongrigesen long taim bilong hevi.—Jems 5:14-16; 1 Pita 5:2, 3. 5. Ol Witnes Bilong Jehova i save mekim ol bikpela kibung long olgeta yia. Long kain taim olsem, planti kongrigesen i save bung wantaim bilong harim sampela bikpela tok bilong Baibel. Wanpela samting i save kamap long olgeta kibung em baptais bilong ol nupela disaipel.—Matyu 3:13-17; 28:19, 20. 6. Nambawan ofis bilong ol Witnes Bilong Jehova i stap long Nu Yok. Lain Bilong Bosim Ol Witnes i stap long dispela ofis, em wanpela lain elda i gat gutpela save na ol i lukautim olgeta kongrigesen long graun. Winim 100 brens-ofis i stap long olgeta hap bilong graun. Long ol dispela brens-ofis ol Witnes i save prinim ol buk na magasin bilong Baibel na salim i go. Na tu, ol i lukautim na stretim wok bilong autim tok. Olsem wanem? Yu inap long kam lukim wanpela brens-ofis i stap klostu long yu?
|
|||
Wokim long 1996 |   |
Copyright © 2008 Watch Tower Bible and Tract Society of Pennsylvania. All rights reserved. |
|
