Ol i wokim dispela buk olsem wanpela Baibel-stadi kos. Olsem wanem yu ken mekim wok long en? Mipela laik kirapim yu long mekim olsem: Long kirap bilong olgeta wan wan stadi i gat ol askim. Bihain long olgeta wan wan askim i gat namba bilong paragraf em bekim bilong askim i stap long en. Kaunim ol askim pastaim. Tingting long ol dispela askim. Nau kaunim ol paragraf, na kaunim ol skripsa long Baibel bilong yu. Taim yu pinisim wanpela stadi, orait lukim gen ol askim na traim long tingim bekim Baibel i givim bilong olgeta wan wan askim. Taim yu pinisim olgeta hap bilong buk, orait lukim gen olgeta askim. |
