Ol Witnes Bilong Jehova—Ol i Husat? Ol i Bilip Long Wanem Samting?

Mipela i Laik Singautim Yu

Mipela i bin amamas long toktok wantaim yu long rot bilong dispela nius. Mipela i ting yu bin amamas long kisim sampela save moa long ol Witnes Bilong Jehova. Mipela i laik singautim yu long kam bungim mipela long Haus Kingdom i stap long hap bilong yu. Lukim pasin bilong mipela long mekim ol miting. Lukim pasin bilong mipela long autim gutnius long Paradais bai kamap long graun aninit long Kingdom bilong Krais.

God i bin tok promis long kamapim dispela. “Em bai i wokim nupela skai na nupela graun, na stretpela pasin tasol bai i stap long en. Yumi wet long dispela samting tasol i mas kamap.” (2 Pita 3:13) Planti handet yia i bin lus. Taim bilong wet i laik pinis. Ol samting i kamap long graun i soim olsem.

Aposel Pol tok: “De bilong Krais em i kam klostu,” olsem na “yumi wan wan i mas tingting tu long ol arapela manmeri bilong God, na painim rot bilong kirapim ol long laikim ol arapela na mekim ol gutpela pasin long ol. Na yumi . . . no ken lusim pasin bilong bung wantaim.” (Hibru 10:24, 25) Mipela i kirapim yu long bihainim tok bilong Pol na bung wantaim mipela.