Iehova Ena Witnes Taudia—Idia be Daidia? Dahaka Idia Abia Dae?

Oi Ai Boiria

Inai buklet amo oi dekenai ai hereva diba dainai ai moale. Ai laloa oi moale badina Iehova ena Witnes taudia edia sivarai ma haida oi diba. Oi ai boiria emu gabu dekenai ia noho Kingdom Hall dekenai ai oi vadivadi henia, mani do oi mai. Emai hebou karaia daladia do oi itaia. Keriso ena Basileia ese ia lohiaia paradaiso tanobadana ena sivarai namona be ma haida dekenai ai harorolaia daladia do oi itaia.

Dirava ese unai ia gwauhamatalaia. “Dirava ese ia gwauhamata vadaeni, guba matamata bona tanobada matamata do ia havaraia. Inai totona do ita naria noho. Unai gabu dekenai be kara maoromaoro sibona do ia noho.” (2 Petero 3:13) Lagani handred momo idia hanaia vadaeni. Do ita naria daudau lasi, dokona be kahirakahira. Tanobada ai idia vara gaudia ese unai idia hahedinaraia.

Aposetolo Paulo ia gwau: “Lohiabada ena Dina be kahirakahira do ia ginidae.” Unai dainai: “Umui ta ta dekenai durua henia daladia do umui laloa noho. Unai bamona lalokau dekena amo kara namodia do umui karaia. Iseda guriguri hebou kara do umui hadokoa lasi.” (Heberu 10:24, 25) Oi ai boiria Paulo ena sisiba oi badinaia bona ai ida do oi hebou.

Oi ura ta ese oi ia vadivadi henia, a?

Copyright © 2006 Watch Tower Bible and Tract Society of Pennsylvania. All rights reserved.