Disisen Blong Yu Blong Mekem Wok Blong God

1. Blong kam wan fren blong God, yu mas kasem plante gudfala save long ol trutok blong Baebol (1 Timote 2:3, 4), bilif long ol samting we yu lanem (Hibrus 11:6), tanem tingting blong yu from ol sin (Ol Wok 17:30, 31), mo no moa folem fasin blong laef blong yu bifo. (Ol Wok 3:19) Ale, lav we yu gat long God i mas pusum yu blong givim laef blong yu i go long hem. Samting ya i minim se yu wan yu mekem wan prea i go long God, mo yu talem long hem se yu givim laef blong yu long hem, blong mekem ol samting we hem i wantem.—Matyu 16:24; 22:37.

2. Afta we yu givim laef blong yu long God, yu mas tekem baptaes. (Matyu 28:19, 20) Taem yu tekem baptaes, yu soemaot long olgeta man se yu givim laef blong yu long Jeova. Taswe, olgeta nomo we oli gat naf yia blong tekem disisen blong mekem wok blong God, oli save baptaes. Taem wan man i baptaes, fulwan bodi blong hem i mas draon long wora.*—Mak 1:9, 10; Ol Wok 8:36.

3. Afta we yu givim laef blong yu i go long Jeova, hem i wantem se bambae yu folem promes ya oltaem long laef blong yu. (Ol Sam 50:14; Eklesiastis 5:4, 5) Devel Setan bambae i traem blokem yu blong yu no mekem wok blong Jeova. (1 Pita 5:8) Be, yu mas kam kolosap long God tru long prea. (Filipae 4:6, 7) Stadi long Tok blong hem evri dei. (Ol Sam 1:1-3) Joen oltaem wetem kongregesen. (Hibrus 13:17) Sipos yu mekem olgeta samting ya, bambae yu kasem paoa blong stap tru long God oltaem. !Long rod ya, bambae yu mekem olgeta samting we God i wantem yu blong mekem, gogo i no save finis!

Sipos yu wantem save moa no yu wantem wan fri Baebol stadi long haos blong yu, plis yu raetem leta i go long Ol Witnes Blong Jeova, long adres we i stret long ples blong yu. Ol Adres

* I gud blong stadi buk ya Save Blong Lidim Yu Long Laef We i No Save Finis, no wan narafala buk olsem, we Watch Tower Bible and Tract Society i wokem, blong reregud from baptaes.

Copyright © 2006 Watch Tower Bible and Tract Society of Pennsylvania. All rights reserved.