1. Kwana idau ijo aisisiaun iboro luipu luejokuka k’Obaibuli. Aijen na ibusakinit aingarakin ijo adukun eitunganane lo Kristayot. (Ipeson 4:22-24) Aijen kwa kana ekotoi noi kanuka ijo adumuna aijar namam edaun. (Yokana 17:3) Konye luceda ekotosi apupun akiro nukajokak tetere itajario kes da. Ikristayon lukabeit kere ibusakinit ainakin ajenanut nejaas luceda. Erai aicoarkinet k’Edeke.—Iromayon 10:10; 1 Ikorinton 9:16; 1 Timoteo 4:16.
2. Ipedori ijo agear aimor keda ka ngul luiyapiototor ijo iboro lukajokak luisisianenei ijo. Kolimonok akiro nu nejasi lukokalekon, ipapero, luisiomatar, ka lukiswamatar ijo. Korai lo ipatana kede lo ititing ilimonokin luce. (2 Timoteo 2:24-25) Kiitute ebe itunga duc esesenete aswamisio itunganan adepar aipup nu inera ngesi. Aso aswamisiokon nukajokak iriunete luceda aipup akiro nuilimonokini ijo kes.—Matayo 5:16; Ipeson 3:1; 2:16.
3. Kapak kalopet; acepak ibecokin do ijo ageun alimonokin keda atukot Ijenak ke ka Yawe naiyapiotor ijo. Erai na adoketait naepol kanu ijo apoloo. (Matayo 24:14) Eraun aiyalama anyoin arai ipedo ijo aingarakin ice araun ejanakinan ke ka Yawe keda adumun aijar namam edaun!—1 Isesalonikan 2:19, 20. |
