 |
Beliefs | Future | Medical | Topics | Contact Us | Publications | Languages |
| Inyoin Bo Ekoto Edeke Kane Kijaai Oni? | Aisisiaet 5  |
Anyoin Bo Alosikinet k’Edeke Kanuka Akwap? |
|
 |
Kanukinyo asubunia Yawe akwap? (1, 2) |
|
Kanukinyo mam akwap eraar paradais kwana? (3) |
|
Inyo ebuni aiswamaikin itunga lukarokok? (4) |
|
Moolo, inyo ebuni Yesu aiswamaikin ikadekak? imojongai? kede lu katwak? (5, 6) |
|
Kanuka aimor arerengusio nuepote moolo, inyo ibusakinit ijo aswam? (7) |
1. Esubit Yawe akwap na tetere itunga elelakinete aijar kotomake ikaru kere. Akoto ngesi akwap duc oraun ne iboyoto itunga lukadolitok, lukiyalamasi. (Isabulin 115:16; Isaia 45:18) Mam cut emudiaro akwap; ebwoi ikaru kere.—Isabulin 104:5; Ekalimonokinan 1:4. 2. Eroko Edeke kesuba etunganan, Abu koseu aiboisit adiopet naadit kakwap, kosodi aitaraun paradais naibus. Konyara nges emanikor loka Eden. Arai ne nes kobu ngesi kibikak etunganan losodit ka aberu, Adamu ka Keba. Alosikinet Edeke nes kes adumun idwe ido ailelebe akwap kere. Moti moti, ti kes kitarautu akwap kere paradais.—Ageun 1:28; 2:8, 15.
3. Adamu ka Keba apotu kodiakasi kanu apeleikin aibil ekisil k’Edeke. Abu Yawe irengea kes kinga naka emanikor loka Eden. Kotwakiasi kes Paradais. (Ageun 3:1-6, 23) Konye mam Yawe emurokinit alosikinet ke kanuka akwap kana. Isumunit aitaraun nges paradais neiboyoto itunga ikaru kere. Koipone kani iswamauna ngesi nuu?—Isabulin 37:29. 4. Eroko akwap na erauna paradais, itunga lukarokok ibusakinit alemario. (Isabulin 37:38) Iswamaunos nu toma apak naka Arumagedon, nges ejie loka Edeke, loelemari aronis. Otupakini, awenio naka Satani ikaru 1000. Apolouke ebe mam ejalakinio ekaronon edio amunamuna akwap. Itunga k’Edeke bon ekuwete.—Apukokinio 16:14, 16; 20:1-3. 5. Kosodi do Yesu Kristo aipuga kwape Ekabaka lo kakwap kana ikaru 1000. (Apukokinio 20:6) Moti moti elemari ngesi adiakar kotoma awomisio kede kawate wok. Iraun do oni itunga lukidolit kwa kolo Adamu kede Keba eroko kes ediakara. Emameun do adek, amojong kede atwanare. Ikadekak itangaleunio, imojongai, iteteunio.—Yob 33:25; Isaia 33:24; Apukokinio 21:3, 4. 6. Kotoma Apugan ka Yesu na Ikaru Elukumit, itunga lumunon epote aswam aijulakin akwap kere araun paradais. (Luka 23:43) Bobo aritai akwatkakwat kalukatwak itajaruno toma aijar nakitunga kakwap. (Aswamisio 24:15) Arai kiswamata kesi nuekoto Edeke kes, iyatakinete aiboi kakwap ikar lumam edaunos. Arai mam, emudiaro kesi ikaru kere.—Yokana 5:28, 29; Apukokinio 20:11-15. 7. Alosikinet k’Edeke nakolosek kanuka akwap ebuni apedori do. Ikoto ijoda aimor arerengusio nueponitosi koingaren? Araai eraai kwangin, ibusakinit ijo ainyikokin aisisia nuikamunitos Yawe kosodi arimari nu ekoto ngesi. Atukonokin Ijenak ke ka Yawe Ogago loka Ajakanut ingarakini ijo aswam ngun.—Isaia 11:9; Iburanian 10:24, 25.
|
Inomunitai 2000 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
