 |
Beliefs | Future | Medical | Topics | Contact Us | Publications | Languages |
| Mukuru U Undjira Ko Tjike Kweṱe? | Ehongwa 12  |
Okuyandja Ondjozikiro kOmuinyo nOmbinḓu |
|
 |
Eṱe twa sokutara ko vi omuinyo? (1) okuipareka? (1) |
|
Ovakriste ve raisa vi kutja owo ve yandja ondweho kondjeverero? (2) |
|
Oko ku ri navi okuzepa ovipuka? (3) |
|
Omaungurisiro yeṋe tjiva nge ha yandja ondjozikiro komuinyo? (4) |
|
Oveta yaMukuru ooiṋe kombinḓu? (5) |
|
Imbi mavi heye tjike komayandjero wombinḓu wina? (6) |
1. Jehova eye oOmburo yomuinyo. Oviṋa avihe vi nourizirira womuinyo wavyo ku Mukuru. (Epsalme 36:9) Omuinyo owo omuyapuke ku Mukuru. Nandarire omuinyo wokanatje ku kehiyakwata moukoto wa ina okahuze ku Jehova. Okuzepa okanatje otja ingo ku make kuru owina ondjito ombi momeho waMukuru.—Eksodus 21:22, 23; Epsalme 127:3.
2. Ovakriste vatjiri ve nondweho kondjeverero. Owo ve tjita ongahukiro kutja ovikwiririmba nozondjuwo zawo ze kare ozonandjeverero. (Deuteronomium 22:8) Ovakarere vaMukuru kave toora omikambo vya kauriri vyokutwa ominyo vyao moumba mena rondjoroka poo okutjaterwa. Ku nai owo kave kara norupa momanyando nge nozondjito zotjitandi mu wo ovandu mbe hihamisa ovakwao owina. Owo ve yepa omanyando omayandjanyuṋe nge tunduza ozondjito zotjitandi.—Epsalme 11:5; Johanes 13:35. 3. Omuinyo wotjipuka owo wina omuyapuke kOmuute. Omukriste ma yenene okuzepa ovipuka okuyandja ovikurya poo ozombanda poo okuriyama omwini komitjise poo oumba. (Genesis 3:21; 9:3; Eksodus 21:28) Nungwari onavi okutjinda ovipuka navi poo okuvizepa mena romanyando poo ondjoroka.—Omiano 12:10. 4. Okupepa omakaya, okuṱaṱuna osukwa ndji isanewa betel nut, nokuungurisa omiti omipurukise mena rondjoroka kaviṋa vyOvakriste. Omaungurisiro inga ye ri posyo mena rokutja (1) owo yetu isa po ovakarere wawo, (2) ye hihamisa otutu twetu, nu (3) owo kama kohoke. (Ovaroma 6:19; 12:1; 2 Ovakorinte 7:1) Maku rire ouzeu okuisa omaungurisiro inga. Nungwari eṱe twa sokutjita nao kokutja tu yandje onyuṋe kuJehova. 5. Ombinḓu wina oyo ondjapuke momeho waMukuru. Mukuru u tja omuinyo u ri mombinḓu. Oko wina ku ri posyo okurya onyama yotjipuka tji tji hiya pitisiwa ombinḓu nawa. Indu otjipuka tji tja siniwa poo atjiṱu i ombate, otjo katji sokuriwa. Indu otjo tji tja twerwa nenga poo atji yahwa, otjo tja sokupitisiwa ombinḓu tjimanga indu otjo tji matji riwa.—Genesis 9:3, 4; Levitikus 17:13, 14; Oviungura 15:28, 29. 6. Opo pe ri posyo okumuna ombinḓu? Zemburuka kutja Jehova u undjira ko kutja tu kare kokure nombinḓu. Ihi matji heye kutja eṱe katu sokukambura ombinḓu yovandu varwe i hitisiwe motutu twetu poo nandarire indji oyetu oveni ndja pwikirwe. (Oviungura 21:25) Mena ranao, Ovakriste vatjiri kave na okuyakura omamunino wombinḓu. Owo mave yakura omyano vyarwe vyomapangero tjimuna omaungurisiro yoviṋa vyarwe mbi hina ombinḓu. Owo mave vanga okuhupa, nungwari owo kanaa ve roro okuyama ominyo vyao mokuteya ozoveta zaMukuru.—Mateus 16:25. |
||
Oko ka pitisiwa mo 1996 |
|
Copyright © 2006 Watch Tower Bible and Tract Society of Pennsylvania. All rights reserved. |
|
