 |
Beliefs | Future | Medical | Topics | Contact Us | Publications | Languages |
| Mukuru U Undjira Ko Tjike Kweṱe? | Ehongwa 8  |
Omuinyo wEṱunḓu Mbu Yandja Onyuṋe Ku Mukuru |
|
 |
Otjihako tjomurumendu meṱunḓu ootjiṋe? (1) |
|
Omurumendu wa sokutjinda vi omukazendu we? (2) |
|
Ourizirira uṋe mbu na ihe? (3) |
|
Omukazendu u na otjiungura tjiṋe meṱunḓu? (4) |
|
Mukuru u undjira ko tjike kovanene na kovanatje? (5) |
|
Oumune wOmbeibela oouṋe ohunga nokuhaṋika nokuteya orukupo? (6, 7) |
1. Ombeibela itja omurumendu ongu ri otjiuru tjeṱunḓu re. (1 Ovakorinte 11:3, EEP) Omurumendu wa sokukara nomukazendu umwe uriri. Owo va sokukupasana nawa otja kotjiveta.—1 Timoteus 3:2; Titus 3:1. 2. Omurumendu wa sokusuvera omukazendu we tjimuna eye tje ri suvera omuini. Eye wa sokumutjinda momuano imbwi Jesus mbwaa tjindi ovemukongorere ve. (Ovaefese 5:25, 28, 29) Eye ka sere okutona omukazendu we poo okumutatumisa momuano kangamwa. Pendje yanao eye wa sokumuyozika nokumupa ondengero.—Ovakolose 3:19; 1 Petrus 3:7.
3. Omurumendu wa sokuungura oukukutu okutumba eṱunḓu re. Eye wa sokuyandja ovikurya, ozombanda nonganda komukazendu novanatje ve. Omurumendu wina wa sokuyandja ovihepwa vyombepo keṱunḓu re. (1 Timoteus 5:8) Eye u hongora mokuvatera eṱunḓu okurihonga ohunga naMukuru nozondando Ze.—Deuteronomium 6:4-9; Ovaefese 6:4. 4. Omukazendu wa sokurira omuvatere omusemba komurumendu we. (Genesis 2:18) Eye wa sokuvatera omurumendu we mokuhonga nokukurisa ovanatje vao. (Omiano 1:8) Jehova u undjira ko komukazendu okukara nonḓakamisiro keṱunḓu re morusuvero. (Omiano 31:10, 15, 26, 27; Titus 2:4, 5) Eye wa sokukara nondengero onene komurumendu we.—Ovaefese 5:22, 23, 33. 5. Mukuru u undjira ko kovanatje okuzuva kovanene vawo. (Ovaefese 6:1-3) Eye u undjira ko kovanene okuhonga nokusembamisa ovanatje vawo. Ovanene ve hepa oruveze okukara pu na ovanatje vawo nokukonḓonona Ombeibela pu na wo, nokuyandja onḓakamisiro movyombepo novyotjimbi. (Deuteronomium 11:18, 19; Omiano 22:6, 15) Ovanene kave so okuronga ovanatje vawo momuano omuvi.—Ovakolose 3:21.
6. Indu ovakupasane tji vena omaputi mokuzuvasana, owo va sokurora okuungurisa omaheya wOmbeibela. Ombeibela oyo i tu ṋangera ko okuraisa orusuvero nokuisira. (Ovakolose 3:12-14) Embo raMukuru ka ri tunduza omahaṋikiro otja omuano wokukutura omaputi omaṱiṱi. Nungwari omukazendu ma yenene okutoorora okuisa omurumendu we indu (1) mongukutusengo tje panḓa okutumba eṱunḓu re, (2) eye tje ri omunatjitandi ngandu ndi ouveruke nomuinyo womukazendu tji u ri moumba, poo (3) omapirukiro we omatwe ye tjita kutja eye aha yenene okurikotamena kuJehova.—1 Ovakorinte 7:12, 13. 7. Ovakupasane va sokurira ovaṱakame kumwe. Oruvakiro owo ourunde ku Mukuru na ku katanameyo koye. (Ovaheberi 13:4) Omararasaneno pendje yorukupo ondi ri epu ariyerike rOmatjangwa kokuhaṋika ndi yandjera okukupa rukwao. (Mateus 19:6-9; Ovaroma 7:2, 3) Jehova wa tonda ovandu mbe haṋika nokuhina omapu otja kOmatjangwa nave kupu omundu warwe.—Maleaki 2:14-16. |
||||
Oko ka pitisiwa mo 1996 |
|
Copyright © 2006 Watch Tower Bible and Tract Society of Pennsylvania. All rights reserved. |
|
