 |
Beliefs | Future | Medical | Topics | Pehtlaihnak Kan Tuah U | Publications | Languages |
| Pathian Nih Zeidah A Kan Hal? | Cawnnak 12  |
Nunnak le Thisen cungah Upatnak Langhternak |
|
 |
Zeitindah nunnak (1), nau thahnak (1) |
|
Cu kan ruah awk a si? Zeitindah Khrihfa hna nih lung thiannak an ngeihnak an langhter? (2) |
|
Saram thah cu a sual maw? (3) |
|
Nunnak ca i upatnak a langhter lomi tuahsernak cheukhat hna cu zeidah an si? (4) |
|
Thisen kongah Pathian nawlbia cu zeidah a si? (5) |
|
Mah ahcun thi rawnhnak aa tel ve maw? (6) |
1. Jehovah cu nunnak hram a si. Thilnung vialte an nunnak cu Pathian thawng in an ngeimi a si. (Salm 36:9) Nunnak cu Pathian caah a sunglawimi a si. A chuak rih lomi a nu paw chung i nau hmanh khi Jehovah caah a man a sung. Cubantuk a ṭhang liomi naute hramhram in thah cu Pathian mithmuh ah sualnak a si.—Exodus 21:22, 23; Salm 127:3.
2. A hmaanmi Khrihfa hna cu himnak kong ah hin an i ralring. An inn le an mawtawka pawl cu himnak a um nakhnga ṭha tein an tuah hna. (Deuteronomi 22:8) Pathian sal hna cu nuamhnak le lungthawhnak ca sawhsawh ah an nunnak pek in a herh lomi rian an ṭuan lo. Cucaah hramhram in mi harnak a pemi zangennak he aa tlaimi lente celhnak ah an i tel lo. Zangennak tha a pemi nuamhngaihnak kha an hrial dih.—Salm 11:5; Johan 13:35. 3. Saram nunnak zong Pathian hmai ah a sunglawimi a si ve. Khrihfa pakhat nih rawl le thilpuan hmuhnak caah le zawtnak le ṭihnunnak in khamhnak caahcun saram cu a thah kho ko. (Genesis 3:21; 9:3; Exodus 21:28) Sihmanhsehlaw saram kha a ningcang loin tuah le lente celhnak le nuamhnak caah thah cu sualnak a si.—Phungthlukbia 12:10. 4. Kuak zuk, kuanza khai, le nuamhnak ca i sii hmannak te hna cu Khrihfa caah a si ve lo. Hi tuahsernak hna cu an hmaan lo, zeicahtiah (1) an sal ah an kan canter, (2) kan pum kha an hrawh i, (3) an thiang lo. (Rom 6:19; 12:1; 2 Korin 7:1) Hi ziaza pawl ngol cu a har ngai men ko lai. Sihmanhsehlaw Jehovah a lung lawmhter awkahcun kan i zuam hrimhrim a herh. 5. Thisen zong hi Pathian mithmuh ah a sunglawimi a si ve. Pathian nih thlarau asiloah nunnak cu thisen chungah a um a ti. Cucaah thi ei cu sualnak a si. A thi ṭha tein chuah lomi sa ei zong a hmaan ve lo. Saram pakhat cu a hngawng dihin, asiloah rap foihin a thih a si ahcun cucu ei awk a si lai lo. Meithal in kah le fei in chunh a si ahcun, a sa ei awk ca a si ahcun, khulrangin a thi kha chuah awk a si lai.—Genesis 9:3, 4; Levitikas 17:13, 14; Lamkaltu 15:28, 29. 6. Thi rawnhnak cohlannak cu sualnak a si maw? Jehovah nih thisen hrial a kan fial ti cu philh hlah u. Midang thi vialte kha le kan chungin a chuak ciami kanmah thi lila zong kha zeibantuk lam hmanhin kan pum chungah kan luhter awk a si lo tinak a si. (Lamkaltu 21:25) Cuasicaah a hmaanmi Khrihfa hna nihcun thi rawnh kha an duh awk a si lai lo. Lam phundang in sii lei zohkhenhnak, thisen aa tel lomi zeidang rawnhnak te hna tibantuk cu an cohlan ko lai. Nun cu an duh ko, sihmanhsehlaw Pathian nawlbia buarnak in an nunnak khamh cu an i zuam lai lo.—Matthai 16:25. |
||
1996 ah chuah a si |
 |
Copyright © 2011 Watch Tower Bible and Tract Society of Pennsylvania. All rights reserved. |
|
