Nde decisión rejapo hag̃ua Ñandejára he’íva

1. Oiko hag̃ua ndehegui Ñandejára amigo, reikuaa porã va’erã pe verdad bíblica (1 Timoteo 2:3, 4), remoĩ fe umi mba’e reñehekombo’évare (Hebreos 11:6), reñembyasy umi ne rembiapo vaígui (Hechos 17:30, 31) ha rejevy nde reko ymaguarégui. (Hechos 3:19.) Upe rire mborayhu reguerekóva Ñandejárare nemomỹiva’erã rejededica hag̃ua chupe. Upéva he’ise, reñembo’évo neñohápe, ere Ñandejárape reñeme’ẽha chupe rejapo hag̃ua ivoluntad. (Mateo 16:24; 22:37.)

2. Restudia rire Ñandejára Ñe’ẽ ha rejededica rire chupe, rejebautizava’erã. (Mateo 28:19, 20.) Pe bautismo ohechauka opavavépe rejededicáma hague Jehovápe. Upévare ikatu ojebautiza umi oguerekómava edad ha ijehegui voi oserviséva Ñandejárape. Peteĩ tapicha ojebautiza vove, hete oñapymimbaiteva’erã ýpe sapy’ami.*(Marcos 1:9, 10; Hechos 8:36.)

3. Pe dedicación rejapo rire, Jehová oha’arõ reiko reprometehaguéicha. (Salmo 50:14; Eclesiastés 5:4, 5.) Satanás oñeha’ãta nemboyke Jehovágui. (1 Pedro 5:8.) Nde katu reñembo’eva’erã Ñandejárape ha upéicha reñemoag̃uive hese. (Filipenses 4:6, 7.) Restudia meme va’erã Iñe’ẽ. (Salmo 1:1-3.) Rejehe’ava’erã congregación rehe. (Hebreos 13:17.) Rejapopárõ ko’ã mba’e, nembaretevéta repyta hag̃ua Ñandejára ykére. Ikatúta rejapo opaite ára g̃uarã Ñandejára ojeruréva ndehegui.

Reikuaasevérõ térã reipotárõ peteĩ estudio bíblico nde rogaitépe, ehai testigos de Jehovápe pe dirección opyta porãvehápe ndéve. Direcciones

* Bautismo mboyve tekotevẽ ojestudia pe libro hérava El conocimiento que lleva a vida eterna, térã peteĩ ijoguaha omosarambíva Sociedad Watch Tower Bible and Tract.

Copyright © 2006 Watch Tower Bible and Tract Society of Pennsylvania. All rights reserved.