Mba’éicha ikatu retopa religión añetéva

1. Jesús omoñepyrũva’ekue peteĩnte religión cristiana añetéva. Upévare, ko’ág̃a avei oĩva’erã peteĩ religiónte ome’ẽva Jehovápe adoración añetegua. (Juan 4:23, 24; Efesios 4:4, 5.) La Biblia ombo’e sa’iha oĩ oguatáva tape po’íre ogueraháva tekovépe. (Mateo 7:13, 14.)

2. La Biblia he’iva’ekue umi apostolkuéra omano rire oikeva’erãha mbeguekatúpe congregación apytépe enseñanza ijapúva ha ojejapova’erãha heta mba’e ndaha’éiva cristiánope g̃uarã. He’i oĩva’erãha kuimba’e oporogueraháva hakykuéri ha omboykéva hapichápe Cristo ñe’ẽgui. (Mateo 7:15, 21-23; Hechos 20:29, 30.) Upévare jahecha ko’ág̃a hetaiterei religión he’íva cristianoha. Mba’éichapa ikatu jaikuaa umi cristiano añetévape?

3. Pe mba’e ojehechavéva cristiano añetegua apytépe ha’e pe mborayhu añete ojoguerekóva. (Juan 13:34, 35.) Chupekuéra noñembo’éi oñeñandu hag̃ua mba’eguasuveha hapichakuéragui ndaha’éirõ irráza térã ipireichagua. Noñembo’éi avei chupekuéra ndaija’éi hag̃ua hapicha ambue tetãguáre. (Hechos 10:34, 35.) Upévare ha’ekuéra noñorairõi mba’eveichagua guerrahápe. Cristiano añetéva ojoguereko hermano ha hermánaicha. (1 Juan 4:20, 21.)

Cristiano añetegua ojoayhu, omomba’eguasu Biblia he’íva ha oñe’ẽ Ñandejára Réinogui

4. Religión añeteguápe avei tuichaiterei mba’e pe Biblia he’íva. Chupekuéra g̃uarã ha’e Ñandejára Ñe’ẽ ha oguerovia pe he’íva. (Juan 17:17; 2 Timoteo 3:16, 17.) Chupekuéra, Ñandejára Ñe’ẽ iñimportanteve oimeraẽ idea ha costumbre ojeguerekóvagui. (Mateo 15:1-3, 7-9.) Oñeha’ã hikuái oguata hese opa árape. Upévare ndaha’éi ku ombo’éva peteĩ mba’e ha upéi ndojapói upéicha. (Tito 1:15, 16.)

5. Religión añetéva omomba’eguasuva’erã avei Ñandejára réra. (Mateo 6:9.) Jesús omombe’u Ñandejára réra, Jehová, ha cristiano añetegua ojapova’erã avei upéicha. (Juan 17:6, 26; Romanos 10:13, 14.) Mávapa ha’e umi omombe’úva Ñandejára réra nde róga jerére?

6. Cristiano añetéva oñe’ẽva’erã Ñandejára Réinogui. Jesús ojapova’ekue upéicha. Ha’e manterei oñe’ẽmi Ñandejára Réinogui. (Lucas 8:1.) Omondo avei umi hemimbo’ekuérape oñe’ẽ hag̃ua upévagui Yvy tuichakuére. (Mateo 24:14; 28:19, 20.) Cristiano añetegua oguerovia Ñandejára Reino añoite ikatuha ogueru py’aguapy ha seguridad añetéva ko Yvy ári. (Salmo 146:3-5.)

7. Jesús remimbo’ekuéra ndojehe’ái ko mundo aña ndive. (Juan 17:16.) Ndojehe’ái ipolíticape ha ndoikéi umi problema social oĩva ko múndope. Omboyke ijehegui umi conducta ha tembiapo vai ojejapóva ko múndope. (Santiago 1:27; 4:4.) Reikuaápa peteĩ grupo religioso oikóva upéicha nde róga jerére, ohechaukáva ha’eha cristiano añetegua?

Copyright © 2006 Watch Tower Bible and Tract Society of Pennsylvania. All rights reserved.