Umi mba’e Ñandejára ohayhu’ỹva

1. Ñandejárape oservíva ohayhu umi mba’e iporãva, upéicha avei ndaija’éi mba’e vaíre. (Salmo 97:10.) Upéva he’ise omboykeva’erãha umi mba’e naiporãiva Ñandejárape. Mba’e mba’épa oĩ umíva apytépe?

2. Fornicación: Kuña ha kuimba’e oguerekóva sexo oñondive omenda mboyve, ñemoakãratĩ omendáva apytépe, mymbándi oikóva, oñenóva itajýrandi térã oimeraẽ hogayguándi ha kuimba’e oñenóva kuimba’éndi térã kuña oñenóva kuñándi, umíva ha’e tuicha pecado Ñandejára rovake. (Levítico 18:6; Romanos 1:26, 27; 1 Corintios 6:9, 10.) Kuimba’e ha kuña oikórõ oñondive omenda’ỹre, tekotevẽ ojueja, ỹramo, omendava’erã ley he’iháicha. (Hebreos 13:4.)

Ñandejára ndohayhúi jeka’u, ñemonda, juego ojejapóva virúre ha violencia

3. Japu, juego ojejapóva virúre, ñemonda: Ñandejára Jehová ndaikatúi ijapu. (Tito 1:2.) Upévare umi oiko porãséva hendive ndaijapuiva’erã. (Proverbios 6:16-19; Colosenses 3:9, 10.) Opaichagua juego ojejapóva virúre omongakuaa taryrýi pirapirére. Upévare cristianokuéra noha’ãi lotería, bingo, kavaju ñani ha mba’eve oĩva umichagua. (Efesios 5:3-5.) Naimondái ha ndojoguái mba’eve oñemondava’ekue, ha ndoguerahái hógape imba’e’ỹva. (Éxodo 20:15; Efesios 4:28.)

4. Pochy ndojejokóiva, violencia: Pochy ndojejokóirõ ikatu ogueru violencia. (Génesis 4:5-8.) Pe violencia oiporúva ndaikatúi oiko porã Ñandejárandi. (Salmo 11:5; Proverbios 22:24, 25.) Naiporãi ñañevenga umi mba’e vai ojejapórõ ñande rehe. (Proverbios 24:29; Romanos 12:17-21.)

5. Paje ha espiritismo: Oĩ tapicha ohenóiva espiritukuérape oipytyvõ hag̃ua chupekuéra mba’asy ñemonguerápe. Oĩ katu oiporúva paje ohayhu’ỹvare ombohasy térã ojuka hag̃ua. Ko’ã mba’e rapykuéri oĩ Satanás. Upévare cristianokuéra ndojapoiva’erã mba’eve ãichagua. (Deuteronomio 18:9-13.) Ñañemoĩrõ Jehová ykére jaguerekóta protección iporãvéva ñepohano vai térã pajégui (Proverbios 18:10.)

6. Ka’u: Pe vino, cerveza térã ambue bebida ndaivaíri ja’u michĩmi. (Salmo 104:15; 1 Timoteo 5:23.) Pero Ñandejára ndohechaporãi oje’u rasa térã ojeka’úrõ. (1 Corintios 5:11-13; 1 Timoteo 3:8.) Re’uetereírõ bebida ikatu nembohasy ha ombyaipa ne familia. Avei, ikatu nemokangy ha reñeme’ẽ rei heta mba’e vaípe. (Proverbios 23:20, 21, 29-35.)

7. Tapichakuéra ojapóva umi mba’e Ñandejára he’íva ivaiha “ndoike mo’ãi[...] Tupã Nandeyára réinope”. (Gálatas 5:19-21, VP.) Rehayhúramo añete Ñandejárape ha rembovy’asérõ chupe, ikatúta reheja umi mba’e vai. (1 Juan 5:3.) Reñeha’ãva’erã rehecha umi mba’e vai Ñandejára ohechaháicha, ha rejei chugui. (Romanos 12:9.) Rejehe’ava’erã umi heko porãvandi. (Proverbios 13:20.) Ñane irũnguéra cristiano iñakãguapýva ikatu tuicha ñanepytyvõ. (Santiago 5:14.) Ha hi’ariete, ikatúta reguereko Ñandejára pytyvõ rejerurérõ chupe ñembo’épe. (Filipenses 4:6, 7, 13.)

Copyright © 2006 Watch Tower Bible and Tract Society of Pennsylvania. All rights reserved.