Peteĩ familia Ñandejára oguerohorýva

1. La Biblia he’i ména omoakãva’erãha ifamília. (1 Corintios 11:3.) Kuimba’e oguerekova’erã peteĩ tembirekónte, ha omendava’erã ley he’iháicha. (1 Timoteo 3:2; Tito 3:1.)

2. Ména ohayhuva’erã hembirekópe ha’e ojehayhuháicha. Oguerekova’erã chupe Jesús oguerekoháicha hemimbo’ekuérape. (Efesios 5:25, 28, 29.) Mba’eveichavérõ noinupãiva’erã ha ndoguereko vai va’erãi chupe. Upéva rangue omomba’e ha orrespetava’erã hembirekópe. (Colosenses 3:19; 1 Pedro 3:7.)

Túva oporohayhúva omoĩmbaite oñekotevẽva hogapýpe: material ha espiritual

3. Túva omba’apo mbarete va’erã oñangareko hag̃ua ifamíliare. Omoĩva’erã tembi’u, ao ha óga hembireko ha ita’yrakuérape. Oñangareko’arã avei pe necesidad espiritual oguerekóva ifamília. (1 Timoteo 5:8.) Ha’e oñemotenondeva’erã oipytyvõ hag̃ua ifamíliape oikuaave hag̃ua hikuái Ñandejára ha ipropósitogui. (Deuteronomio 6:4-9; Efesios 6:4.)

4. Tembireko oipytyvõkuaava’erã iménape. (Génesis 2:18.) Oipytyvõva’erã chupe ombo’évo ifamiliakuérape. (Proverbios 1:8.) Jehová oipota tembireko oñangareko ifamíliare mborayhúpe. (Proverbios 31:10, 15, 26, 27; Tito 2:4, 5.) Kuña oguerekova’erã tuicha respeto iménare. (Efesios 5:22, 23, 33.)

5. Ñandejára ojerure ta’yrakuérape iñe’ẽrendu hag̃ua itúva ha isýpe. (Efesios 6:1-3.) Ha’e oha’arõ avei tuvakuéra ombo’e ha ombohekoporã ta’yrakuérape. Tuvakuéra ohasava’erã tiempo ta’yrakuérandi ha ojapo estudio bíblico hendivekuéra, ha upéicha oñangareko hesekuéra espiritual ha emocionalmente. (Deuteronomio 11:18, 19; Proverbios 22:6, 15.) Mba’eveichavérõ ndodisciplinai’arã ta’yrakuérape py’ahatãre térã mbaretépe. (Colosenses 3:21.)

Ñandejára oha’arõ tuvakuéra ombo’e ha omboheko porã ta’yrakuérape

6. Umi omendáva ikatu’ỹva ojogueraha porã, oñeha’ãva’erã oiporu consejo oĩva Bíbliape. La Biblia oipota japorohayhu ha japoroperdona. (Colosenses 3:12-14.) Ñandejára Ñe’ẽme ndojehechaporãi pe separación ojerresolve hag̃ua umi problema sa’i. Upevére, tembireko ikatu oheja iménape ko’ã mba’ére: 1) nomanteneséigui ifamíliape, 2) oiporuetereígui violencia ikatu ombohasy térã ojuka chupe ha 3) oñemoĩ mbarete hembirekóre ha upévagui ha’e ndaikatúi ome’ẽ adoración Jehovápe. (1 Corintios 7:12, 13.)

7. Omendáva ojeroviava’erã ojuehe. Ñemoakãratĩ ha’e peteĩ pecado Ñandejárare ha ména térã tembirekóre. (Hebreos 13:4.) Oĩrõ ñemoakaratĩ añoite ikatu ojejapo divorcio oñemenda jey hag̃ua (Mateo 19:6-9; Romanos 7:2, 3.) Jehová ohecha vaieterei oĩrõ ojedivorcia ha omenda jeýva ndaipórirõ base Bíblica. (Malaquías 2:14-16.)

Copyright © 2006 Watch Tower Bible and Tract Society of Pennsylvania. All rights reserved.