Oyiŋkpɛɛ akɛ Ooosɔmɔ Nyɔŋmɔ

1. Bɔni afee ni otsɔ Nyɔŋmɔ naanyo lɛ, esa akɛ ona Biblia mli anɔkwale lɛ he nilee kpakpa (1 Timoteo 2:3, 4), ona hemɔkɛyeli yɛ nibii ni okase lɛ mli (Hebribii 11:6), otsake otsui yɛ ohe eshai amli (Bɔfoi lɛ Asaji 17:30, 31), ni okwa ohe yɛ oshihilɛ gbɛ lɛ mli. (Bɔfoi lɛ Asaji 3:19) Kɛkɛ lɛ esa akɛ suɔmɔ ni oyɔɔ kɛha Nyɔŋmɔ lɛ atsirɛ bo ni ojɔɔ ohe nɔ oha lɛ. Enɛ tsɔɔ akɛ bo diɛŋtsɛ okɛɔ lɛ yɛ sɔlemɔ mli yɛ teemɔŋ akɛ okɛ ohe miiha lɛ ni ofee esuɔmɔnaa nii.—Mateo 16:24; 22:37.

2. Beni ojɔɔ ohe nɔ oha Nyɔŋmɔ sɛɛ lɛ, esa akɛ abaptisi bo. (Mateo 28:19, 20) Baptisimɔ haa mɔ fɛɛ mɔ leɔ akɛ ojɔɔ ohe nɔ oha Yehowa. No hewɔ lɛ baptisimɔ yɛ kɛha mɛi pɛ ni edara bɔ ni sa ni amɛaanyɛ amɛkpɛ amɛyiŋ akɛ amɛaasɔmɔ Nyɔŋmɔ. Kɛ aabaptisi mɔ ko lɛ, esa akɛ akɛ egbɔmɔtso muu lɛ fɛɛ awo nu lɛ shishi be kuku.*—Marko 1:9, 10; Bɔfoi lɛ Asaji 8:36.

3. Beni ojɔɔ ohe nɔ sɛɛ lɛ, Yehowa baakpa gbɛ akɛ ooohi shi yɛ oshiwoo lɛ naa. (Lala 50:14; Jajelɔ 5:4, 5) Abonsam baabɔ mɔdɛŋ akɛ eeetsi onaa koni okasɔmɔ Yehowa. (1 Petro 5:8) Shi bɛŋkɛmɔ Nyɔŋmɔ yɛ sɔlemɔ mli. (Filipibii 4:6, 7) Kasemɔ e-Wiemɔ lɛ daa gbi. (Lala 1:1-3) Okɛ ohe abɔ asafo lɛ he gbagbalii. (Hebribii 13:17) Kɛtsɔ enɛ fɛɛ feemɔ nɔ lɛ, obaana hewalɛ ni okɛhi shi akɛ anɔkwafo oha Nyɔŋmɔ. Obaanyɛ otsɔ nɛkɛ gbɛ nɔ ofee nɔ fɛɛ nɔ ni Nyɔŋmɔ kpaa gbɛ kɛjɛɔ odɛŋ lɛ kɛya naanɔi fɛɛ mli!

Ani obaasumɔ ni ole ehe saji babaoo loo akɛ bo afee shia Biblia mli nikasemɔ ni aheee nɔ ko? Ŋmaa Jehovah's Witnesses kɛya shishigbɛ adrɛs nɛɛ mli nɔ ni sa. Adrɛs

* Ajie Nilee Ni Kɛ Mɔ Yaa Naanɔ Wala Mli loo wolo ko ni tamɔ nakai ni Buu Mɔɔ Biblia kɛ Woji Bibii Asafo lɛ ŋma lɛ kasemɔ yi kɛha hesaamɔ kɛha baptisimɔ.

Copyright © 2006 Watch Tower Bible and Tract Society of Pennsylvania. All rights reserved.