 |
Beliefs | Future | Medical | Topics | Contact Us | Publications | Languages |
| Ko Le ā Leia e Fakama’ua Mai e Le Atua Kia Tātou? | Kapite 2  |
Ko Ai Le Atua? |
|
 |
Ko ai le Atua mā’oki, ti ko ai lona suafa? (1, 2) |
|
E fefe’aki lona kuaga? (3) |
|
Ko ā ona kalitate mā’uiga? (4) |
|
E tonu koia ke tou faka’aoga’i ni paki ti mo ni fakatātā i latātou tausi kiate ia? (5) |
|
Ko ā potu e lua e mafai ke tou ako o uiga mo le Atua? (6) |
1. E tausi le fenua ki tu’uga ne’a. Kae e fakasā mai e le Tosi-Tapu e iai fa’i le Atua MĀ’OKI e tasi. Na ’aga ia o fakatupu a ne’a fulifuli i le lagi ti mo le kele. Talie na soli mai e ia a le ma’uli, e ko Ia tokotasi fa’i e tonu ke tou tausi ki ai.–1 Kolinito 8:5, 6; Apokalipisi 4:11.
2. E lasi a igoa faka tu’ulaga o le Atua kae ko lona suafa fa’i e tasi. Ko le suafa lenā ko SEOVA. E lasi a Tosi-Tapu, na fetogi ai a le suafa o le Atua kae tosi ai a igoa faka tu’ulaga, fai pe le ALIKI pe ko le ATUA. Kae i le temi leia na tosi ai le Tosi-Tapu, na tu’a 7 000 a le faka’aoga’i o le suafa ko Seova!–Ekesote 3:15; Pesalemo 83:18. 3. E iai le kuaga o Seova, kae e le’aise tatau mo lotātou kuaga. E pati fene’eki a le Tosi-Tapu: “Ko le Atua e laumālie.” (Soane 4:24, Tausi Fo’ou Faka-Futuna ) Ko le laumalie e makeke ake lona ma’uli ia tātou. E ma’uli Seova i le lagi, kae e mafai ke tio ki ne’a fulifuli. (Pesalemo 11:4, 5; Soane 1:18) Kae e fefe’aki a le laumalie mā’oki’oki? E se ko se tasi e fai pe le Atua. Kae ko le makeke ga’oi lenā o le Atua.–Pesalemo 104:30. 4. E fakasā mai e le Tosi-Tapu a le natula o Seova kia tātou. E fakasā mai ko ona kalitate mā’uiga e ko le alofa, le faitotonu, le poto, ti mo le makeke. (Tetelonome 32:4; Sopo 12:13; Esaia 40:26; 1 Soane 4:8) E fakasā mai e le Tosi-Tapu e toe manava’alofa, agamālie, loto fakamolemole, loto alofa, ti mo fa’akātaki. Kapau ko tātou ko ni fānau fakalogo, ti e tonu ke tou faifaitaki’i a ia.–Efeso 5:1, 2.
5. E tonu koia ke tou punou ti mo faikole ki ni paki, ni fakatātā mokā tou tausi kiate ia? Le’ai! (Ekesote 20:4, 5) E pati e Seova e tonu ke tou tausi ake kiate ia tokotasi. E se vaevae loa e ia lona kololia mo se tasi pe ko se ne’a. E le’aise mafai ke tokoi mai ni paki kia tātou.–Pesalemo 115:4-8; Esaia 42:8. 6. E fefe’aki satātou iloa fakamālielie a le Atua? E tonu ke tou tio’i a ne’a alā na fakatupu e ia, ti mo tou metitasio’i pe ko le ā leia e sā mei ai. I ne’a alā na fakatupu e le Atua, e tou tio ai ki lona makeke lasi ti mo lona poto. E tou tio ki lona alofa i ne’a fulifuli alā na fai e ia. (Pesalemo 19:1-6; Loma 1:20) Ko le tasi a ne’a ke tou iloa ai le Atua ko le ako o le Tosi-Tapu. E lasi ai a ne’a ka tou ma’ua ai, pe ko ia ko le Atua fefe’aki. E toe fakasā mai e ia lana fakatu’utu’u mo le ne’a e tonu ke tou fai.–Amosi 3:7; 2 Timoteo 3:16, 17. |
|
Na ta i le fētu’u 2003 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
