E Fefe’aki Sakotou Iloa a Ne’a Alā e Fakama’ua Atu e Le Atua

1. Ko le Tosi-Tapu e ko se ne’a alofa mā’uiga mei le Atua. E fai pe se tosi a se tamana alofa ki ni ana fānau. E ’aga o fakasā mai a le mā’oki o uiga mo le Atua–pe ko ai a ia ti fefe’aki ana lekula. E fakamatalatala mai e le Tosi-Tapu pe fefe’aki satātou tau’i otātou visia ti mo ma’ua fefe’aki a le ma’uli fimālie mā’oki. E fakasā mai e le Tosi-Tapu pe ko le ā le ne’a e tonu ke tou fai ke mālie’ia tātou e le Atua.–Pesalemo 1:1-3; Esaia 48:17, 18.

2. Na tosi a le Tosi-Tapu e tagata kesekese e 40 lolotoga ni fētu’u e 1 600, ti na kamata i le fētu’u 1513 i mu’a o lotātou temi. E fa’ufa’u a le Tosi-Tapu e tosi liliki e 66. Ko lātou alā na tosi ia a le Tosi-Tapu-la na takitaki lātou e le Atua. Na tosi e lātou a manatu alā a le Atua kae le’ese ko ni manatu fakatagata. Koia, ko le Atua leia mei le lagi na ’aga o tosi a le Tosi-Tapu, kae e se ko ni tagata.–2 Timoteo 3:16, 17; 2 Petelo 1:20, 21.

3. Na tokaga le Atua ke siki fakamālielie ti mo taupau fakamālielie a le Tosi-Tapu. Na lasi ake le tā o le Tosi-Tapu i tosi fuli. E le’aise fiafia loa a le fenua fuli i lalātou tio e kotou ako a le Tosi-Tapu, kae auana kotou ti’aki lenā le potu-la. E fakalogo lokotou ma’uli le’egato ki lakotou ako o uiga mo le Atua ti mo lakotou fai lona finegalo tatau ai fa’i pe soko ni fakafesagai.–Mateo 5:10-12; Soane 17:3.

Copyright © 2006 Watch Tower Bible and Tract Society of Pennsylvania. All rights reserved.