1. Sin din ɔ, a ko kplɔ́n nú ɖagbe gege sin Biblu ɔ mɛ. Nunywɛ enɛ ɔ ɖo na ɖe ali nú we bɔ a na do dó gbɛtɔ-nyinyi Klisanwun tɔn. (Efɛzinu lɛ 4:22-24) Nunywɛ enɛ ɔ nyí titewungbe ɖó é na zɔ́n bɔ a na mɔ gbɛ̀ mavɔmavɔ. (Jaan 17:3) Amɔ̌, e nyí dandan nú mɛɖevo lɛ lɔ bɔ yé ná sè wɛnɖagbe ɔ bo ná nyí hwinhwlɛngan lɔmɔ. Klisanwun nugbo lɛ bǐ ɖo na nɔ ɖekunnu nú mɛɖevo lɛ. Acɛ̀ Mawu tɔn wɛ nyí mɔ̌.—Hlɔmanu lɛ 10:10; 1 Kolɛntinu lɛ 9:16; 1 Timɔtée 4:16.
2. Nu ɖagbe e kplɔ́n wɛ a ɖe ɔ, a ɖo na jɛ ɖiɖɔ mɛ e sɛkpɔ we lɛ. Ðɔ̀ nú hɛnnumɛ towe lɛ, xɔntɔn towe lɛ, wemaxɔmɛgbɛ towe lɛ, kpó azɔwatɔgbɛ towe lɛ kpó. Nyí mɛɖagbe kpó xomɛfifanɔ kpó hwenu e a ɖò xo ɖɔ nú yé wɛ ɔ. (2 Timɔtée 2:24, 25) Flin ɖɔ gbɛtɔ lɛ nɔ kpɔ́n nuyiwa mɛtɔn lɛ hwɛ̌hwɛ̌ hugǎn nǔ e dɔ wɛ é ɖe é. Enɛwutu ɔ, nuyiwa ɖagbe towe na dɔn mɛɖevo lɛ bɔ yé na ɖó tó wɛnɖagbe e ɖɔ nú yé wɛ a ɖe.— Matie 5:16; 1 Piyɛɛ 3:1, 2, 16.
3. Ðo nukɔnmɛ ɔ, a na wá kpenuwu bo na jɛ mawuxo ɖɔ ji xá agun è ɖo fi ɖe a ɖe é e nyí Kunnuɖetɔ Jehovah tɔn lɛ tɔn é. Enɛ nyí afɔɖiɖe titewungbe ɖe ɖò nukɔnyiyi towe mɛ. (Matie 24:14) Xomɛhunhun ɖaxo tɛ ɖie hwenu e a na nyí nuwukpetɔ bo na nɔ gɔalɔ nú mɛɖevo lɛ bɔ yé lɔ na huzu Jehovah sɛntɔ bo na wá mɔ̀ gbɛ̀ mavɔmavɔ ɔ!—1 Tɛsalonikinu lɛ 2:19, 20. |
