 |
Beliefs | Future | Medical | Topics | Contact Us | Publications | Languages |
| Na Cava e Loma ni Kalou vei Keda? | Lesoni 2  |
O Cei na Kalou? |
|
 |
O cei na Kalou dina, o cei na yacana? (1, 2) |
|
E yago vakacava o koya? (3) |
|
Na cava na nona itovo uasivi? (4) |
|
E donu beka ke da vakayagataka na matakau kei na ivakatakarakara ena noda sokaloutaki koya? (5) |
|
Na cava e rua na sala eda na vulica kina na veika me baleti koya na Kalou? (6) |
1. E levu na ka e dau sokaloutaki mera kalou. Ia na iVolatabu e tukuna vei keda ni dua ga na Kalou DINA. E bulia na ka kece mai lomalagi kei vuravura. E dodonu kina me sokaloutaki duadua ga o koya ni a solia na bula vei keda.—1 Korinica 8:5, 6; Vakatakila 4:11.
2. E levu na kena icavuti na Kalou, ia e dua ga na yacana. Oya o JIOVA. Sa kau tani na yaca ni Kalou ena levu na iVolatabu qai sosomitaki ena icavuti na TURAGA se KALOU. Ia ni se qai volai na iVolatabu, e volai kina vaka7,000 na yaca Jiova!—Lako Yani 3:15; Same 83:18. 3. E vakayagona o Jiova, ia e sega ga ni vaka na yagoda. “A Yalo na Kalou,” e kaya na iVolatabu. (Joni 4:24) Era ibulibuli uasivi sara vei keda na ka bula vakayalo. Na tamata e se sega vakadua ni raica na Kalou. E tiko mai lomalagi o Jiova, ia e rawa ni raica na ka kece. (Same 11:4, 5; Joni 1:18) Na cava ga na yalo tabu? E sega ni vakayagona me vaka na Kalou. E igu yavala ga ni Kalou.—Same 104:30. 4. E vakatakila vei keda na iVolatabu na itovo i Jiova. E cavuti kina na nona itovo uasivi me vaka na loloma, lewadodonu, vuku, kei na kaukaua. (Vakarua 32:4; Jope 12:13; Aisea 40:26; 1 Joni 4:8) E tukuni koya tale ga na iVolatabu ni dau yalololoma, yalovinaka, dau veivosoti, lomasavu, vosovoso vakadede. E dodonu meda vakatotomuri koya me vaka na gone dau vakarorogo.—Efeso 5:1, 2.
5. Nida sokalou, e dodonu beka meda cuva meda masu vei ira na matakau, iyaloyalo se ivakatakarakara? Sega! (Lako Yani 20:4, 5) E kaya o Jiova ni dodonu meda sokaloutaki koya duadua ga. Ena sega ni wasea kei na dua tale na nona lagilagi. E sega nodra kaukaua na ivakatakarakara mera vukei keda.—Same 115:4-8; Aisea 42:8. 6. Ena sala cava eda na kilai koya kina vakavinaka na Kalou? E dua oya na noda raica na veika sa bulia da qai vakasamataka vakabibi se cava era vakadinadinataka tiko vei keda. Na ibulibuli ni Kalou e vakaraitaka ni tu vua na kaukaua levu kei na vuku. Eda raica nona loloma ena ka kece e bulia. (Same 19:1-6; Roma 1:20) E dua tale na sala e rawa nida vulica kina na veika me baleta na Kalou oya na noda vulica na iVolatabu. E levu sara na ka e tukuna e kea o koya meda kila kina se mataqali Kalou vakacava. E tukuna tale ga vei keda se cava na nona inaki kei na ka e vinakata meda cakava.—Emosi 3:7; 2 Timoci 3:16, 17. |
|
Tabaki ena 1996 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
