Na Sala Mo Kila Kina se Cava e Loma ni Kalou

1. Na iVolatabu na isolisoli talei ni Kalou. E vaka sara ga na nona ivola e dua na tama dau loloma vua na luvena. E tukuna vei keda na ka dina me baleta na Kalou, se o cei o koya kei na ka e vinakata meda cakava. E vakamacalataka na sala me valuti kina na leqa kei na sala me qarai kina na marau dina. Na iVolatabu duadua ga e tukuna vei keda na ka meda cakava meda vakamarautaka kina na Kalou.—Same 1:1-3; Aisea 48:17, 18.

2. E 1,600 na yabaki na balavu ni gauna era vola tiko kina na iVolatabu e rauta ni le 40 na tagane, qai tekivutaki na kena volai ena 1513 B.S.K. E 66 na ivola lalai ni iVolatabu. O ira na vola na iVolatabu e uqeti ira na Kalou. Era vola na nona nanuma, sega ni nodra nanuma. O koya gona e vakavuna me volai na iVolatabu na Kalou mai lomalagi, sega ni o ira na tamata e vuravura.—2 Timoci 3:16, 17; 2 Pita 1:20, 21.

3. E qarauna na Kalou na kena lavetaki vakavinaka na iVolatabu kei na kena maroroi. Na ivola tabaki levu duadua na iVolatabu. Sega ni tamata kece ena marautaka mo vulica na iVolatabu, ia kua ni o datuvu kina. Na nomu bula tawamudu e vakatau sara ga ena nomu kilai koya na Kalou kei na nomu cakava na lomana, e dina ni o na tusaqati kina.—Maciu 5:10-12; Joni 17:3.

Copyright © 2006 Watch Tower Bible and Tract Society of Pennsylvania. All rights reserved.