1. Biblë kanyɩ a -sɩkaa -li a -li a -bɛ sʋlʋnɩ. Zaa -lii a ΄cɩɛ daa yeanyɩ -mä ΄sunɩ, nzɩ ΄a nɛmönɛmösaa ΄kä lagɔsɛ wʋ. (Ɛfɛɛzɩ a -nʋa 4: 22-24) -Mii a ΄cɩɛ daa, mɩɩ ΄kää ΄nglɩ kä, nzɩ a ΄kä ΄pɩwʋ mää ΄naa ΄kää ΄yli bhɩɛ ghlɩ. (Zaah 17: 3) Maa nɩkpa -mumuë yɩbhä wa ΄kä ΄tɩtɩ a
-tɩtɩɩ ΄nʋ, nzɩ wa ΄kä ΄pʋpʋɛ ghlɩmö. -Tiamö a Klɩtɩɛwa ΄wuë kä wa ΄kä ΄tɩtɩ a -tɩtɩɩ bia. Lagɔ mɔ ΄pää -lɩbhä a gba.—Ghlɔɔmö a -nʋa 10:10; 1Kɔlɛɛtɩ a –nʋa 9: 16; 1Timotee 4: 16.
2. -Li a -li a ΄cɩɛ, a nɩ tɛɛnɩ a yɔwʋ a -nʋa ΄wʋ, nzɩ a ΄kʋänyɩ ΄nyɛ. A -lowluwa, a tuawa -nyɛ a -nyɛ plɛnɩɛ ΄gämö -suku, a -nyɛ nʋnɩɛ ΄gämö libhoo ΄sɔ, a nɩ nyʋa lagɔwɛlɩɩ. A ΄kʋä lagɔwɛlɩɩ ΄nyɛɛ yie, a nɩ nɛnɩ dlɩzɛmö, a nɩ kä΄ɛ dlɩ΄mökpaanɔ. (2Timotee 2: 24, 25) -A nɩ ligba nɩɩ, -a΄a nɛmönɛmösaa -nyɛ -a΄a ngli a wɛlɩ ΄sɔ a dɔ΄wʋ, -a΄a nɛmönɛmösaa ΄mö wa yɩlɩɛ ΄wʋ ΄wë, ΄n ΄wa -pʋnɩnyɩɛ bhäla ΄yukwli. Zaa, -a΄a nɛmönɛmösaa -kä lagɔsɛ ΄wʋʋ, yɩ yʋa -mä ΄sunɩ, nzɩ wa ΄kä lagɔwɛlɩ ΄la ΄yukwli -pʋnɩ.Matie 5:16; 1Piɛlɩ 3:1, 2, 16.
3. ΄Tɛnyɩ -bhlʋ yi ghlɛ, saa lagɔwɛlɩɩ yɩbhää, ΄n a kɩɩ nʋʋ, a -nyɛ Zoova ΄a Bhlɩnɩwaa a -zɩkpa a -wʋä -lɛ a yɔwʋ ΄sɔ, a yi ΄gämö lagɔwɛlɩɩ bianɩ. A ΄kä lagɔwɛlɩɩ a dɔ΄wʋ ΄yukusɛ mö a tɛɛnɩda ma. (Matie 24:14) ΄N a nɩ -kä nɩkpɛ kwänɩ ɔ kä Lagɔ ΄a wɛlɩɩ ΄wʋ nglu. Ɔ kä Zoova a -nɔɔ ΄zʋ, ɔ ΄kä ΄kwädlɩkwädlɩnɩ -bhölɩ a dɔ΄wʋ, ΄mäna ΄käda yɩ nyɛɛ!1Tesaloniikö 2: 19, 20. |
