 |
Beliefs | Future | Medical | Topics | A cɛlɩnyɩ 'wυ | Publications | Languages |
| ΄Saa Lagɔ yɩbhä bhä -a nɩ nʋ ΄nɩ? | ΄cɩɛcɩɛ kïbhë 13  |
Sɛɛ a ΄kä bhä -tiamö a lagɔgligbëa yɩbhlɩnɩ ΄nɩ? |
|
 |
Lagɔgligbïï ΄wuë ΄mö Lagɔ yɩbhä bhä nɩɩ, maa -bhlʋ bhä -a? (1) |
|
΄Saa ΄kä bhä ΄nglɩ ΄n lagɔgligbïï a -bɛ nʋ bhä nɩɩ, Klɩtɩɛ yɩ glɩnɩmö ΄nɩ? (2) |
|
sɛɛ a ΄kä bhä -tiamö a Klɩtɩɛwaa yɩbhlɩnɩ ΄nɩ? (3-7) |
1-Tiamö a lagɔgligbëa -a -lɛ Klɩtɩɛ, a ΄yize ΄mö Zezwii gïla sɛ. Zaa, Lagɔzɩkpa -bhlʋ a ΄yize, a glɩnɩɛ Lagɔ Zoova a -na, ma kää a ΄kä -bhölɩ. (Zaah 4: 23, 24; Ɛfɛɛzɩ a -nʋa 4: 4, 5) Sɛ΄ɛ Biblë ΄cɩa nɩɩ, yioo wʋ΄ʋä ΄klʋ ΄ghïli, -wʋ möä -mä Lagɔ ΄a ΄pɩwʋlelea ΄wʋʋ, nɩkpa -wa bhïluä, wa΄aa -zu. Matie 7: 13, 14. 2. Sɛ΄ɛ Biblë gbää nɩɩ, Zezwii a tietiewa -kä ΄ku ΄wë, ΄fʋ a ΄cɩawɛlɩɩ -nyɛ nʋnʋlii a -mii ΄nɩɛ Klɩtɩɛ sɛ -wʋ, yi a pɛɛpɛpɛɛpɛ -mä Klɩtɩɛwaa a -zɩkpa jijo΄wʋ plɛ. Nɩkpa -mumuë yi΄ɛ -mä Zezwii a -nʋa gla΄mö plɛ wa kʋä ΄wlumö nyima, wa ΄kä ΄wa wɛlɩɩ -gänɩ, nzɩ wa ΄kä Zezwii a -nɩ -gömö panɩ. (Matie 7: 15, 21-23; Tietiewaa a wɛlɩɩ 20: 29, 30) Nza -a yɩɛ zɩɛ lagɔgligbïï a -bɛ yɩ laa yɩnyɩ Klɩtɩɛwa ΄ylɩmö. Maa sɛɛ -a ΄kä bhä -tiamö a Klɩtɩɛwaa yɩbhlɩnɩ ΄nɩ? 3. -Lu a -mu kää dɛsɛ wa yɩbhlɩnɩɛ -tiamö a Klɩtɩɛwaa ΄mö, -mu -lɛ, -tiamö a -wawʋ wa kä jijo ΄wʋ. (Zaah 13: 34, 35) Wa nʋä ΄cɩa nɩɩ, mʋa kää dɛsɛ mʋa ziɛ käbö gwlɩ -gömö a nɩkpa ΄wʋ. ΄Lɩlɩlɩ a dɔ΄wʋ, wa nʋä΄ɛ käbönɩkpaa -wa -wʋä -mä bhlɩ -mimi -gömö a -gblɩgblɛ ΄cɩa. (Tietiewaa 10: 34, 35) Nza ΄wa gwɩ möä tʋ. Sɛɛ daayuë -wʋä, -sɩbhä -tiamö a Klɩtɩɛwaa -wʋä. 1Zaah 4:20, 21.
4. Sɛ wa yɩbhlɩnɩ΄ɛ -tiamö a lagɔgligbëa miɛ nɩɩ, wʋ ΄mö a -nʋa Biblë ΄mö a wɛlɩ ΄mö wa zʋä tenyii ΄klʋkpamö. Biblë ΄mö wa libhïä Lagɔ ΄a wɛlɩɩ ΄mö ΄wʋ, ΄n wa ΄tɛɛnɩɛ ɛ ΄mö a wɛlɩ dlɩ. (Zaah 17:17; 2Timotee 3: 16, 17) Wa dɔ΄wʋ, Lagɔ ΄a wɛlɩɩ mii ΄kä dɛsɛ mii ziɛ nɩkpa ΄a päpägböö -nyɛ wa dlɩpäsaa ΄sɔ wʋ. (Matie 15: 1-3, 7-9) Sɛɛ Biblë gbää -sɩbhä wa zʋä -mä wa ΄kwädlɩ a -bhölɩbhölɩsa ΄mö. ΄Wa ΄nyɛ nɩkpa lagɔwɛlɩɩ ΄wë, nzɩ wa ΄kɩ΄ɛ wa΄bhï -gömö panɩ. Tiitɩ 1: 15, 16. 5.Lagɔ ΄a nglɩɩ ΄mö -tiamö a lagɔgligbëa ΄mö a -nʋa kää wa ΄kä ΄ghlimanɩ. (Matie 6:9) Lagɔ ΄a nglɩɩ yɩ -lɛ Zoova, ΄mö Zezwii sʋlʋnɩɛ nɩkpa -mumuë. -Sɩbhä -tiamö a Klɩtɩɛwaa kää wa ΄kä ΄zʋmö. (Zaah 17: 6, 26; Ghlɔɔmö a -nʋa 10:13, 14) Dɛ a glɩɛ, nɩkpa a -mʋä sʋlʋnɩ bhä Lagɔ ΄a nglɩɩ nɩkpa -mumuë ΄nɩ? 6. Lagɔ ΄a ΄Kämanɔɔ ΄a wɛlɩɩ, ΄mö -tiamö a Klɩtɩɛwaa kää wa ΄kä bia. -Sɩbhä Zezwii ΄zʋmö a-a. Ɔ bhïla ΄kwädlɩ Lagɔ ΄a ΄Kämanɔɔ ΄a wɛlɩɩ. (Lwiikö 8:1) Sɛ΄ɛ Zezwii ΄nyɛɛ ΄ɔ ΄wʋ-bhlinɩwaa ΄dɩ nɩɩ, wa nɩ bia Lagɔ ΄a ΄tɩtɩ a -tɩtɩɩ -mä bhlɩɩ a këtiea ΄wuë -gömö. (Matie 24: 14; 28: 19, 20) -Tiamö a Klɩtɩɛwaa kɩɩ dlɩ ΄wʋ nɩɩ, Lagɔ ΄a Kämanɔɔ a ΄yize -kpöö, mʋ ΄kää mä΄ä dʋdʋ ΄wʋ -tiamö a ΄tɩɩglɩnɔ -nyɛ -pälɛpälɛ a glɩglɛ ΄sɔ -lɛmö. Psaume 146: 3-5. 7. Zezwii a -nʋa ΄nɩɛ -kä wa ΄kä mä΄ä ΄pɩwʋ a ΄yize a nɩkpazoku gla΄mö -wʋ. (Zaah 17:16) Wa΄a -mä ΄pɩwʋ a politikö a wɛlɩ ΄mö -wʋ. Za wa΄a mä΄ä ΄pɩwʋ a kpɛnɩ kpɛnɛ ΄mö -wʋ. Nʋnʋsɛzokwëa, dlɩpäsɛzokwëa -nyɛ mä΄ä ΄pɩwʋ a -lizoku ΄wuë ΄sɔ, wa ΄nɩɛ kɛ zɩ. (Zaakö 1:27; 4:4) -Lii ΄wuë -a yɩɛ dɛ΄ɛ ΄ylɩmö yɩnyɩ ΄mö wa yɩbhlɩnɩɛ -tiamö a lagɔbʋbɔwa, a bhɛnɩ bhä a ΄kä lagɔzɩkpa anyɩ ΄mö a -nʋa nɛmöä -sɩbhä yɩbhlɩnɩ -a? |
||
Wa –bhɛnɩɛ 2007 |
 |
Copyright © 2012 Watch Tower Bible and Tract Society of Pennsylvania. All rights reserved. |
|
