 |
Beliefs | Future | Medical | Topics | A cɛlɩnyɩ 'wυ | Publications | Languages |
| ΄Saa Lagɔ yɩbhä bhä -a nɩ nʋ ΄nɩ? | ΄cɩɛcɩɛ kïbhë 8  |
Ligbëa ΄a -wʋwʋsaa a nɛnɩɛ Lagɔ dlɩ yɔwʋ |
|
 |
΄Bhle a -ma ΄luwli kä bhä -mä ΄ɔ ligbëa ΄mö ΄nɩ? (1) |
|
Sɛ ΄luwli ΄kä bhä ɔ ΄lɛnglɛ -su ΄nɩ? (2) |
|
Libhoo -mʋ dɩba kä bhä -mä ΄ɔ ligbëa ΄mö ΄nɩ? (3) |
|
΄Bhle a -ma ΄nglɔ kä bhä -mä ΄ɔ ligbëa ΄mö ΄nɩ? (4) |
|
-Mii Lagɔ yɩbhänɩ bhä -lowluwaa -nyɛ ΄wa yuëa ΄sɔ ΄wʋ ΄nɩ? (5) |
|
Sɛ Biblë gbä bhä ΄suë ΄mö sɛsʋ -nyɛ yɔwʋ ΄bhöönɩbhöönɛ ΄sɔ a dɛ ΄nɩ? (6, 7) |
1. Biblë lɛ nɩɩ, ΄luwli mɔɔ glɩnɩɛ ΄ɔ ligbëa ΄mö ΄a wukpëlea. (1Kɔlɛɛtɩ a -nʋa 11:3) ΄Nglɔ -bhlʋ a ΄yize -kpöö ΄mö nyɩbhɛlʋ kää ɔ ΄kä kwä. -Mä ΄bhlɩ -lowluwa a ΄yila ΄klʋ -mä wa kää wa ΄kä kwäkwänɩ.—1Timotee 3:2; Tiitɩ 3: 1. 2. Sɛ ΄luwli -waa ɔnyɩ -sɩbhä ɔ kää ɔ ΄kä ɔ ΄lɛnglɛ -wa tɩɩ. Sɛ Zezwii -suä ɔ -nʋa, -sɩbhä ΄luwli kää ɔ ΄kä ɔ ΄lɛnglɛ -su. (Ɛfɛɛzɩ a -nʋa 5: 25, 28, 29) ΄Luwli ΄nɩɛ -kä ɔ ΄kä ɔ ΄lɛnglɛ zwɩ zia ΄lɩlɩlɩ ΄n ɔ ' kɔ΄ɛ lɩbhä. -Maa ɔ kä ɔ ΄kɔ -lɛ ΄zʋ.—Kɔlɔɔsɩ a -nʋa 3:19; 1Piɛlɩ 3:7.
3. Dɩba kä ɔ ΄kä tenyii libhoo nʋ, nzɩ ɔ ΄kä ΄ɔ ligbëa ΄mö a -nʋa sasɛ -su. Ɛ΄ɛ -bhö nyɩasɛ, maa ɔ kä ɔ ΄kä ɔ ΄lɛnglɛ -nyɛ ΄ɔ yuëa ΄sɔ ΄mö gʋʋ -buduu -nyɛ lile ΄sɔ ΄nyɛ, nzɩ ɔ ΄kʋä ΄möpälabanɩ ΄nyɛ. Dɩba mɔ kää ɔ ΄kä ΄ɔ ligbëa ΄mö a -nʋa kwänɩ wa ΄kä lagɔwɛlɩɩ ΄mö nʋ. (1Timotee 5: 8) Ligbëlowli mɔ kää ɔ ΄kä ΄ɔ ligbëa ΄mö a -nʋa ΄yukugänɩ, nzɩ ɔ ΄kʋä Lagɔ -nyɛ ΄saa Lagɔ yɩbhää ΄sɔ slʋnɩ.—Deutéronome 6: 4-9; Ɛfɛɛzɩ a -nʋa 6: 4. 4. ΄Nglɔ kä ɔ ΄kä ɔ ΄luwli sasɛ kwänɩ. (Genèse 2:18) ' Nglɔ mɔ kää ɔ ΄kä ɔ ΄luwli kwänɩ wa ΄kä ΄wa yuëa lagɔwɛlɩɩ ΄cɩa, nzɩ wa ΄kʋä ΄yio a yioo ΄wʋ ΄zʋa. (Proverbes 1: 8) Zoova yɩbhä nɩɩ, nglɔ nɩ -wa ΄ɔ ligbëa ΄mö a -nʋa, nzɩ ɔ ΄kʋä sasɛ -su. (Proverbes 31: 10, 15, 26, 27; Tiitɩ 2: 4, 5) Ɔ kä ɔ ΄kä ɔ ΄luwli tenyii ΄klʋkpamö zʋ.—Ɛfɛɛzɩ a -nʋa 5: 22, 23, 33. 5. Lagɔ yɩbhä nɩɩ, yuëa nɩ zʋ wa -lowluwa ΄klʋkpamö. (Ɛfɛɛzɩ a -nʋa 6: 1-3) ΄Yuëlowluwa ΄mö Lagɔ ΄tɛɛnɩɛ dlɩ wa ΄kä ΄wa yuëa ΄cɩa nzɩ wa ΄kʋä ΄mö zlɔmanɩ. ΄Yuëlowluwa kä wa ΄kä ΄wa yuëa yɔwʋ glɩ wa ΄kʋä Biblë ΄cɩa, ΄n wa ΄kʋä -waa. (Deutéronome 11: 18, 19; Proverbes 22: 6, 15) ΄Yuëlowluwa nɩ tɩ ΄wa yuëa klɛpäsɛ -nyɛ glasɛ ΄sɔ ΄mö zlɔmanɩ ΄lɩlɩlɩ.—Kɔlɔɔsɩ a -nʋa 3: 21.
6. ΄N ΄nglɔ nyɛ ɔ luwli ΄sɔ nɩ ΄mö nʋnʋnɩ, wa kä wa ΄kä -mä Biblë ΄mö a ΄dɩmözʋwɛlɩɩ -gänɩ. Sɛ΄ɛ Biblë nʋä nɩɩ, -a nɩ -wawanɩ, nzɩ -a ΄kä ΄nyinylolii a gbʋ ΄yi ΄tatinɩ. (Kɔlɔɔsɩ a -nʋa 3: 12-14) Lagɔwɛlɩɩ ΄nɩɛ nʋ nɩɩ, ΄nglɔ -nyɛ ɔ ΄luwli ΄sɔ -kä wɛlɩyie jijo΄wʋ -kä, wa nɩ ΄bhöö bhöönɩ yɔwʋ. Ɛ΄ɛ -bhö nyɩasɛ, maa mii ΄naa ΄kä ΄wa wɛlɩ ΄wlu -gïganɩ. Kïbhï ta yɩ kää ΄nglɩ ΄n ΄nglɔ bhɛnɩɛ ɔ ΄kä ɔ ΄luwli yɔwʋ ΄bhöö miɛ dɛ΄ɛ: (1) ΄n ɔ ΄luwli nɩ ΄ɔ ligbëa ΄mö a -nʋa a -susu gbʋ nglu ΄lɩlɩlɩ, (2) ΄n ɔ ΄luwli nɩ -kä yɔwʋ kälɩ, ɔ -kɔɔ ΄kukusɛ ΄lɩbhää, (3) ΄n ɔ ΄luwli nɩ -kɔɔ tenyii -gblɩ ɔ tɩ a Zoova bʋbɔ a za.—1Kɔlɛɛtɩ a -nʋa 7: 12, 13. 7. ΄Nglɔ -nyɛ ΄luwli ΄sɔ -kä -lɛ -wʋ, ΄nglɔ nɩ tɩ gbɩsɛtɛlɩnglɔ glɩnɩ, ΄n ΄luwli nɩ tɩ΄ɛ ΄nglʋsɛtɛlɩnyɔ glɩnɩ. Nglʋsɛtɛlɩtɛlɛ -nyɛ gbɩsɛtɛlɩtɛlɛ ΄sɔ mɩɩ glɩnɩɛ Lagɔ ΄n ΄luwli -nyɛ ΄nglɔ ΄sɔ a ΄yila ΄klʋ a dɔ΄wʋ ΄nyinyloli. (Ebleewaa 13: 4) Biblë a dɔ΄wʋ gbɩsɛtɛlɩtɛlɛ -nyɛ nglʋsɛtɛlɩtɛlɛ ΄sɔ a ΄yize mɩɩ ΄kää ΄nglɩ -kä ΄n ΄luwli -nyɛ ΄nglɔ ΄sɔ kää yɔwʋ ΄bhöö bhöönɩ, nzɩ wa ΄kä käbönɩkpaa kwä. (Matie 19: 6-9; Ghlɔɔmö a -nʋa 7: 2, 3) ΄Nglɔ -nyɛ ΄luwli ΄sɔ ΄kä yɔwʋ ΄bhöö bhöönɩ sɛ Biblë ΄nɩɛ gbä, nzɩ wa ΄kä käbönɩkpaa kwää, Zoova ΄nɩɛ yɩbhä ΄lɩlɩlɩ.—Malaki 2: 14-16. |
||||
Wa –bhɛnɩɛ 2007 |
 |
Copyright © 2012 Watch Tower Bible and Tract Society of Pennsylvania. All rights reserved. |
|
