1. A -kä anyɩ dʋdʋ ΄wʋ -lɛ a -nyɛ Lagɔ ΄sɔ -kä bhïla, ΄mö wa laa bhibhebhibhiu. A kä a ΄kä ΄kwädlɩ Lagɔ bhibhe. -Sɩbhä a dɔ΄wʋ, ɔ yii a tua ΄kɔdɔ zʋ. Zoova ΄ghïli, ɔ ΄tɛɛ ΄mö, maa ɔ
-wʋä -sɩbhä ΄wëë, ɔ -pʋnɩ -a΄a bhibhebhibhiu ΄yukwli. A bhibhe bhä ΄kwädlɩ Lagɔ -a? —Psaume 65:2; 1 Tesaloniikö a -nʋa 5: 17.
2. Bhibhebhibhiu kä -mä Lagɔ ΄a bʋbɔbʋbʋʋ ΄mö ΄bhle. Zaa, Lagɔ Zoova a ΄yize ΄mö -a kä -a ΄kä bhibhe. Zezwii -wʋ a-a mä΄ä dʋdʋ ΄wʋ la, ɔ΄ɔɔ käbönɩkpɛ bhibhee ɛ ΄nɩ -bhö ɔ Dɩba Lagɔ mɔ. Zaa -a nɩ -gänɩ ɔ gbäpöö. (Matie 4:10; 6: 9) Maa -a -kä Lagɔ bhibhee, -a nɩ bhibhenɩ ΄kwädlɩ Zezwii a ΄nglɩ ΄mö. ΄N -a -kä -sɩbhä ΄zʋʋ, mɩɩ tulanɩɛ ΄ylimö nɩɩ, ɔ bhlea Lagɔ nyɔɔ, ΄mö -a zʋä klʋkpamö, ΄n sɛ ɔ bʋbɔnɩɛ ɔnyɩ ɔ -kanyɩ galɛ ΄mö -sɛ a za ΄mö -a tɛɛnɩɛ dlɩ. —Zaah 14:6; 1Zaah 2: 1, 2.
3. -A –kä Lagɔ bhibhee yii, -a dilaa zɛmö a wɛlɩ ΄mö -a kä -a ΄kɔ ΄nyɛ. Maa -a΄aa kä -a ΄kä bhibhebhibhebɔgʋ ΄mö ylɩ -a ΄kä Lagɔ bhibhee, ΄n -a ΄kä΄ɛɛ bhibhebhibhiu dlɩ zɛmö ΄cɩɛnɩ. (Matie 6: 7, 8) Dɛ -a yi -wʋ oo, dɛ -a nɩ -wʋ oo, ΄tɛnyɩ ΄wuë ΄mö oo, -a bhɛnɩ -a ΄kä -lɛ Lagɔ bhibhenɩ, maa -sɩbhä nɩ kä ΄klʋkpamö. -A -kä -mä -a΄a dlɩ zɛmö Lagɔ bhibhenɩ, ɔ -pʋnɩnyɩ ΄yukwli ΄yize. (1Samuel 1: 12, 13) -A -kä Lagɔ bhibhee yii, dɛ bhlʋ dɛ nɩkpɛ ΄nɩɛ -wʋ dɛ -gëbë ΄nɩɛ -wʋ, -a bhɛnɩ -a ΄kä -lɛ plɛ, nzɩ -a ΄kä -lɛ Lagɔ bhibhenɩ.—Maakö 1: 35.
4. -Lii -mii nyɩ za a ΄kä bhä Lagɔ bhibhee ΄nɩ? Yi kä ΄nglɩ ΄n a nyɔ ΄sɔ -wʋä bheyi ΄mö, yɩ ΄wlumö a ΄kɔɔ bhibhee. (Filiipö a-nʋa 4: 6, 7) Bhibhebhibhiu Zezwii ΄cɩa ΄ɔ ΄wʋ-bhlinɩwaa mʋ tulanɩɛ ΄ylimö nɩɩ, -a -kä bhibhee yii, -a nɩ bhibhee Zoova a ΄nglɩ -nyɛ ΄saa ɔ yɩbhää ΄sɔ a ΄wlumö. -A bhɛnɩɛ -a ΄kä -a΄a zila ΄wuë ΄mö a -lii a za Lagɔ bhibhee, ɔ ΄kä -a΄a ΄nyinyloli a gbʋ ΄yi ΄tatinɩ, nzɩ ɔ -kanyɩ ΄nyinyloli a ΄mötɛɛnɔɔ ngli -sɛ. (Matie 6: 9-13) -A nɩ tɩ -a΄a ΄yize a ΄wlumö a za Lagɔ bhibhee. -Lii a -mii nɛnɩɛ Lagɔ dlɩ yɔwʋ, yɩ ΄yize a ΄wlumö -a kɔɔ bhibhee.—1Zaah 5: 14.
5. Bhibhebhibhe tʋ kanyɩ ΄kwädlɩ lɩbhä, a bhɛnɩ a ΄kä Lagɔ bhibhee a ΄kɔ bhälɩmö, nzɩ a ΄kä ɔ nglɩ ΄ghlimanɩ. (1Chroniques 29: 10-13) A -kä gbʋ ghlɩ ΄n a -kä΄ɛ Lagɔ a dlɩ ΄tɛɛnɩ za klɩ yɩ dɔ΄wʋ, a bhɛnɩ a ΄kä Lagɔ bhibhee. (Psaumes 55:22; 120: 1) A kä lie yie, a nɩ bhibhe Lagɔ ΄wë, a ΄kä bhäla li. (Matie 14:19) Zoova lɛ nɩɩ: “-a nɩ bhibhe΄kwädlɩ ΄yize.”—Ɛfɛɛzɩ a -nʋa 6: 18.
6. -A -kä ΄nyinylolii a ΄kädɩ nʋʋ, -a kä -a ΄kä yɩ za tenyii Lagɔ bhibhee. -Lɩbhä a ΄tɛnyɩ ΄la ΄mö -a bhɛnɩ -a ΄kä Zoova bhibhee ɔ ΄kä -a΄a ngäzɩdlɩ ΄pä, nzɩ ɔ ΄kä -a΄a ΄nyinylolii ΄a gbʋ ΄yi ΄tatinɩ. -A -kä -mä -a΄a ΄mlɩ a ΄nyinylolii Lagɔ a yila ΄klʋ yɩ bïï -sɛ, ΄n -a nɩ ΄sɔ ΄mö nɛmönɩ, -lɩbhä a dɔ΄wʋ, Lagɔ “yi -a΄a ΄nyinyloli a gbʋ ΄yi ΄tatinɩ.” — Psaume 86:5; Proverbes 28: 13.
7. Wa nʋä ΄saa nɛnɩɛ Zoova dlɩ yɔwʋ a ΄yize, ΄wa bhibhebhibhiu ΄mö ɔ -pʋnɩɛ ΄yukwli. A -kä ΄yli yɔwʋ ΄tɛɛnɩsɛ Lagɔ ΄a gböö -gänɩ, ɔ yi a bhibhebhibhiu ΄yukwli -pʋnɩ. (Proverbes 15:29; 28: 9) A -kä Lagɔ bhibhee dɔ΄wʋ, a -lɛmö anyɩ dʋdʋ ΄wʋ. (Lwiikö 18: 9-14) Sɛ a bhibhee Lagɔ, a nɩ nɛmö -sɩbhä. A -kä -sɩbhä ΄zʋʋ, mii tulanɩɛ ΄ylimö nɩɩ, a ΄saa a yɩbhänɩɛ Lagɔ, ΄mö a tɛɛnɩɛ sasɛ dlɩ. A -kä -sɩbhä ΄zʋ ΄yize, Zoova yeanyɩ ΄sa a yɩbhänɔ ΄nyɛ. — Ebleewaa 11: 6. |
