Kunnudetọ Jehovah Tọn lẹ—Mẹnu Wẹ Yé Yin? Etẹwẹ Yé Yise?

Oylọ-basinamẹ Mítọn Na We

Mí ko duvivi hodidọna we tọn gbọn weda alọnuwe ehe tọn lẹ gblamẹ. Mí lẹndọ hiẹ lọsu ko duvivi nupinplọn dogọ dogbọn Kunnudetọ Jehovah tọn lẹ dali. Jaale kẹalọyi oylọ-basinamẹ mítọn nado dlá mí pọ́n to Plitẹnhọ Ahọluduta lọ tọn he tin to lẹdo mítọn mẹ. Pọ́n lehe opli mítọn lẹ nọ yin anadena gbọn. Pọ́n lehe mí nọ dovivẹnu nado má wẹndagbe lọ hẹ mẹdevo lẹ dogbọn paladisi aigba ji tọn to Ahọluduta Klisti tọn glọ dali do.

Jiwheyẹwhe ko dopagbe etọn. “Di opagbe etọn, míwlẹ to nukundo olọn yọyọ lẹ, po aigba yọyọ de po, fihe dodo nọ nọ̀.” (2 Pita 3:13) Owhe kanweko susu lẹ ko wayi. Ojlẹ nukundido tọn lọ ko to sisẹpọ vivọnu etọn. Ninọmẹ aihọn tọn lẹ do ehe hia.

“Na le mì mọ dọ azán lọ to sisẹpọ,” wẹ apọsteli Paulu dọ, “mì nisọ nọ lẹn mínọzo tọn pọ́n nado nọ jlahomẹdona to owanyi po azọ́n dagbe lẹ po mẹ: to ma gbẹ́ opli míde tọn mẹ.” (Heblu lẹ 10:24, 25) Mí basi oylọna we nado hodo ayinamẹ Paulu tọn gbọn pipli dopọ hẹ mí dali.

Be Hiẹ Na Kẹalọyi Dlapọn de Ya?

Copyright © 2006 Watch Tower Bible and Tract Society of Pennsylvania. All rights reserved.