1. Kɛ ba su amlɔ nɔ, o kase nihi kpakpai fuu ngɛ Baiblo ɔ mi. E sa kaa ni lemi nɔ ha nɛ o je Kliistofohi a subai kpo kɛ tsɔɔ. (Efesobi 4:22-24) Ni lemi nɔ he hia konɛ o na neneene yi wami nami. (Yohane 17:3) Se, e he hia nɛ nimli kpai hu nu sane kpakpaa be nɛ pee ha konɛ a he a yi wami nami. E sa nɛ anɔkuale Kliistofohi tsuo fiɛ kɛ tsɔɔ nimli kpai. E ji Mawu kita nɛ e wo.—Romabi 10:10; 1 Korintobi 9:16; 1 Timoteo 4:16.
2. O ma nyɛ maa je sisi konɛ o kɛ nimli nɛ o le ɔ gba nihi kpakpai nɛ o ngɛ kase ɔ he sane. O de o weku bi, o huɛ mɛ, o sukuu bi, kɛ o ni tsumi mi bi. O kɛ mi mi himi kɛ tsui si tomi tsu e nɔ he ni. (2 Timoteo 2:24, 25) O kai kaa ngɛ be fuu mi ɔ, nimli hyɛ nɔmlɔ subai pe e nyami munyu. Lɔɔ he je ɔ, o jemi ba kpakpa ma nyɛ maa gbla nimli kpai konɛ a bu sane nɛ o fiɛ kɛ tsɔɔ mɛ tue.—Mateo 5:16; 1 Petro 3:1, 2, 16.
3. Ngɛ be ko se ɔ, o kɛ Yehowa Odasefohi asafo nɛ ngɛ he nɛ o ngɛ maa je fiɛmi sisi. E nɔ ji o nane hiami kɛ o hɛ mi yami nɛ he hia saminya. (Mateo 24:14) Mini buajɔ po o maa na kaa kikɛ nɔ ke o nyɛ ye bua nɔ ko nɛ e ba pee Yehowa sɔmɔlɔ nɛ e maa na neneene yi wami nami ɔ!—1 Tesalonikabi 2:19, 20. |
