 |
Beliefs | Future | Medical | Topics | Contact Us | Publications | Languages |
| Mini Mawu Ngɛ Hlae ngɛ Wa Dɛ? | Ni Kasemi 9  |
E Sa Nɛ Mawu Sɔmɔli A He Tsɔ |
|
 |
Mini he je nɛ e sa nɛ wa he tsɔ ngɛ blɔ tsuaa blɔ nɔ? (1) |
|
Ka nɔmlɔ ko he ma tsɔ ngɛ mumi mi ɔ tsɔ mini? (2) ngɛ jemi ba mi nɛ? (3) ngɛ jwɛmi mi nɛ? (4) ngɛ nɔmlɔ tso mi nɛ? (5) |
|
Mini munyui nɛ a he tsɔ we nɛ e sa nɛ wa kua? (6) |
1. Yehowa Mawu he tsɔ nɛ e ngɛ krɔukrɔu. E ngɛ e jali a blɔmi hyɛe kaa a he tsɔ—ngɛ mumi mi, jemi ba mi, jwɛmi mi, kɛ nɔmlɔ tso mi. (1 Petro 1:16) E biɔ mɔdi bɔ nitsɛ kaa a maa hi si ngɛ he tsɔmi mi ngɛ Mawu hɛ mi. Wa ngɛ je ko nɛ he tsɔ we mi. Wa kɛ wɔ nitsɛ mɛ wa mi akɔnɔ nɛ haa nɛ wa peeɔ yayami ɔ hwuɔ ta. Se e sɛ nɛ wa kɔni mi wo nyu. 
2. Mumi mi He Tsɔmi: Ke wa suɔ nɛ wa ma sɔmɔ Yehowa a, wa bi nyɛe maa ya nɔ nɛ wa hɛɛ lakpa jami tsɔɔmi aloo kusumii a mi. E sa nɛ wa je lakpa jami mi nɛ wa ko fi e se ngɛ blɔ ko blɔ ko nɔ. (2 Korintobi 6:14-18; Kpojemi 18:4) Ke wa kase anɔkuale nɛ kɔɔ Mawu he ɔ, e sa nɛ wa hyɛ nɛ e hi konɛ nimli nɛ a tsɔɔ lakpa jami tsɔɔmi ko sisi wɔ hu.—2 Yohane 10, 11. 3. Jemi Ba He Tsɔmi: Yehowa suɔ nɛ e jali ba a je mi kaa anɔkuale Kliistofohi ngɛ be tsuo mi. (1 Petro 2:12) E naa nɔ tsuaa nɔ nɛ wa peeɔ, kɛ lami mi nihi po. (Hebribi 4:13) E sa nɛ wa kpa nyumu kɛ yo si huɔmi jemi ba yayami kɛ je nɔ mi ni peepee komɛ nɛ a he tsɔ we ɔ.—1 Korintobi 6:9-11. 4. Jwɛmi Mi He Tsɔmi: Ke nihi nɛ a he tsɔ hi wa jwɛmi mi ɔ, wa jemi ba hu he maa tsɔ. (Filipibi 4:8) Se ke wa susu nihi nɛ a he tsɔ we he ɔ, ni peepee yayami ma je mi kɛ ba. (Mateo 15:18-20) E sa nɛ wa kua hɛ ja jemi slɔtoi nɛ ma nyɛ maa puɛ wa jwɛmi ɔ. Wa ma nyɛ maa ha susumi nɛ a he tsɔ hi wa jwɛmi tɔ kɛ gu Mawu Munyu ɔ kasemi nɔ. 5. Nɔmlɔ Tso He Tsɔmi: Kliistofohi da si ngɛ Mawu nanemi, lɔɔ he je ɔ, e sa nɛ a nɔmlɔ tso, a bo kɛ a tade he tsɔ. E sa nɛ wa fɔ wa dɛ ke wa ya abɔɔ mi, nɛ e sa nɛ wa fɔ wa dɛ loko wa ye ni loo wa ta niye ni ko he. Ke o be nyu nɛ a pee nɛ a kɛ fɔɔ abɔɔ mi kɛ yaa, lɛ e sa nɛ a pu. (5 Mose 23:12, 13) Nɔmlɔ tso he tsɔmi nɛ a kɛ maa hi si ɔ ha nɔmlɔ tso ɔ he wami. E sa nɛ Kliistofo no we mi kɛ e we se tsuo tsɔ. E sa nɛ e pee we ko nɛ eslɔ lɛ kwraa ngɛ huza nɔ kaa nɔ hyɛmi kpakpa. 6. Munyu Nɛ He Tsɔ: E sa nɛ Mawu sɔmɔli a tu anɔkuale daa. Lakpa tsɛmɛ bi Mawu Matsɛ yemi ɔ mi yae. (Efesobi 4:25; Kpojemi 21:8) Kliistofohi tsua we ni nɛ a jɛ we nɔ. A yi yakayaka fɛo aloo a bo we anazia tue. Ngɛ a nyami munyu nɛ he tsɔ he je ɔ, e slɔ mɛ kwraa ngɛ a ni tsumi he aloo ngɛ sukuu kɛ huza nɔ.—Efesobi 4:29, 31; 5:3.
|
A pee ngɛ 1998 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
