Mɛnɛ Ji Abosiami?

1. Biɛ “abosiami” sisi ji nɔmlɔ nɛ tuɔ nɔ kpa he munyu yayami. “Satan” sisi ji he nyɛlɔ aloo sitemi-kɛ-wolɔ. E nɔ mɛ ji biɛi nɛ a kɛ tsɛ Mawu he nyɛlɔ nɔkɔtɔma nɛ. Sisi je ɔ, e ji hiɔwe bɔfo nɛ e he su kɛ pi si nɛ e kɛ Mawu ngɛ hiɔwe. Pee se ɔ, e ba pee e he kpikpitii tsɔ nɛ e suɔ nɛ a kɛ jami nɛ ji Mawu nɔ nɛ sa lɛ ha lɛ.—Mateo 4:8-10.

2. Hiɔwe bɔfo nɛ ji Satan, kɛ Hawa tu munyu kɛ gu sinɔ ko nɔ. E ye lakpa kɛ tsɔɔ lɛ nɛ e nine su e nɔ nɛ e gbo Mawu nɔ tue. Ja Satan pee kɛ te si kɛ wo Mawu “je mi tsuo nɔyemi,” aloo e blɔ he kaa Hiɔwe Lokoo No ɔ nɛ. Satan bi si keji Mawu ye ɔ nɔ ngɛ blɔ nɛ da nɔ, bɔ nɛ maa hi kɛha E sisi bi. Satan bi sane ngɛ adesa nɛ maa ya nɔ maa ye Mawu anɔkuale ɔ hu he. Kɛ gu e nɔ nɔ, Satan pee e he Mawu he nyɛlɔ. Lɔɔ he je nɛ a tsɛ lɛ kɛ Satan Abosiami ɔ nɛ.—1 Mose 3:1-5; Hiob 1:8-11; Kpojemi 12:9.

3. Satan bɔ mɔdi nɛ e sisiɔ nimli konɛ a ja lɛ. (2 Korintobi 11:3, 14) Blɔ kake nɛ e guu nɔ kɛ sisiɔ nimli ji kɛ gu lakpa jami nɔ. Ke jami ko tsɔɔ Mawu he lakpa tsɔɔmi ɔ, e tsuɔ Satan yi mi tomi he ni. (Yohane 8:44) Lakpa jami mi bi maa susu kaa a ngɛ anɔkuale Mawu jae. Se Satan nitsɛ a ngɛ jae ɔ nɛ. Lɛ ji “je nɛ ɔ mi mawu ɔ” nɛ.—2 Korintobi 4:4.

Lakpa jami, mumi tsɛmi kɛ ma he suɔmi sisiɔ nimli

4. Mumi a tsɛmi ji blɔ kpa nɛ Satan guu nɔ kɛ gbla nimli kɛ ya jee e he wami sisi. Nimli komɛ tsɛ mumi konɛ e bu a he, e ye nimli kpai awui, e tsɔɔ mɛ nihi nɛ maa ba a nɔ huɔse, aloo a kɛ pee nyakpɛ nihi. Satan ji he wami yayami nɛ hɔ ngɛ ni nɔ mɛ tsuo se ɔ nɛ. Be nɛ pee ha konɛ wa sa Mawu hɛ mi ɔ, e sɛ nɛ wa tsɛ mumi kwraa.—5 Mose 18:10-12; Bɔfoi Asane 19:18, 19.

5. Satan sisiɔ nimli kɛ guu he womi nɔ su mi he nɔ hue mi kɛ ma mi kwrami blɔnya tomi a jami nɔ. E peeɔ nimli komɛ kaa ma nɛ a je mi aloo a he womi nɔ su hi pe nimli kpai a nɔ. Se e nɔ be mi. (Bɔfoi Asane 10:34, 35) Nimli komɛ hyɛ mami kwrami blɔnya tomi a blɔ mi kɛ ha adesa nyagbai a he tsaba. A kua Mawu Matsɛ yemi ɔ kɛ gu e nɔ nɔ. Lɔɔ pɛ ji wa nyagbai a he tsaba.—Daniel 2:44.

Te si kɛ wo Satan kɛ gu Yehowa he ni kasemi nɛ o maa tsa nɔ nɔ

6. Blɔ kpa nɛ Satan guu nɔ kɛ sisiɔ nimli ji nɛ e kɛ yayami peemi he akɔnɔ maa ka mɛ. Yehowa de wɔ kɛ wa kua yayami peemi ejakaa e le kaa e maa ye wɔ awi. (Galatabi 6:7, 8) Nimli komɛ maa suɔ nɛ o piɛ a he ngɛ ni peepee nɔ mɛ a mi. O kai kaa, Satan nitsɛ lɛ ngɛ hlae nɛ o pee ni nɔ mɛ ɔ nɛ.—1 Korintobi 6:9, 10; 15:33.

7. Satan kɛ yi mi wami aloo sitemi-kɛ-womi maa tsu ni konɛ e kɛ ha nɛ o je Yehowa he. E koɔ o suɔli komɛ a mi mi maa fu waa ngɛ Baiblo ɔ nɛ o ngɛ kasee ɔ he je. Nimli kpai maa ye o he fɛo. Se mɛnɛ dɛmi o wami ngɛ? Satan suɔ nɛ e maa wo o he gbeye konɛ o kpa Yehowa he ni nɛ o ngɛ kase ɔ. O ko ha nɛ Satan ye o nɔ kunim! (Mateo 10:34-39; 1 Petro 5:8, 9) Kɛ gu Abosiami nɛ o maa te si kɛ wo lɛ nɔ ɔ, o maa ha nɛ Yehowa bua jɔ nɛ o tsɔɔ kaa o fiɔ E jemi tsuo nɔ yemi ɔ se.—Abɛi 27:11.

Copyright © 2006 Watch Tower Bible and Tract Society of Pennsylvania. All rights reserved.