Bedomsedi Bo̲ngo̲ o Bolea Loba

1. O timba be̲ diko̲m la Loba, wangame̲n o be̲ne̲ so̲ṅtane̲ la bwam la mbal’a Bibe̲l (1 Timoteo 2:3, 4), lee̲le̲ dube̲ o mambo wokono̲ (Bonaheber 11:6), jombwe̲ ońola myobe mo̲ngo̲ (Bebolo 17:30, 31), na tukwa mbad’a die̲le̲ longe̲ lo̲ngo̲. (Bebolo 3:19) Ombusa nika, ndolo o be̲nedino̲ Loba ńangame̲n o tute̲le̲ wa o bake̲ wamo̲me̲ne̲ na mo̲. Nika ńe nde ná o muka mo̲ngo̲, o esoka, o malangwea mo̲ ná o mabake̲ mo̲ wamo̲me̲ne̲ o londise̲ jemea lao.—Mateo 16:24; 22:37.

2. Ombusa wa bake̲ wamo̲me̲ne̲ na Loba, wangame̲n o dubisabe̲. (Mateo 28:19, 20). Dubise̲ di mabola ná be̲se̲ ba bie ná o mábake̲ wamo̲me̲ne̲ na Yehova. Ońola nika, dubise̲ le nde ońola ba bena ba koki o dikala la we̲le̲ no̲ngo̲ bedomsedi ná babo̲ mo̲me̲ne̲ o bolea Loba. Moto a madubisabe̲ te̲, ńol’ao ńe̲se̲ ńangame̲ne̲ o lo̲isabe̲ o madiba ońol’a son a ponda.*—Marko 1:9, 10; Bebolo 8:36.

3. O mábake̲ te̲ wa mo̲me̲ne̲, Yehova a mengane̲ wa ná o bupe̲ kakane̲ lo̲ngo̲ o mbusa. (Myenge 50:14; Mulangwedi 5:4, 5) Diabolo a me̲nde̲ keka jeka wa ná o si bolea pe̲ Yehova. (1 Petro 5:8) Nde sisea be̲be̲ na Loba tongwea na muka. (Filipi 4:6, 7) Okwa Eyal’ao buńa te̲. (Myenge 1:1-3) Tika be̲ be̲be̲ na mwemba. (Bonaheber 13:17) O mabola te̲ man me̲se̲, o me̲nde̲ kusa ngińa o tika be̲ jemea na Loba. O bwindea na o bwindea o me̲nde̲ so̲ be̲ ka ni dongame̲n o bola mambo mena Loba a mengane̲no̲ wa!

O mapula bia mambo ma pe̲pe̲ e? Wena o tiliea wum’a bejedi y mboṅ’a Yehova y ekombo ango̲. Wuma bebokedi

* Jokwa la kalati ni mabelabe̲ ná La connaissance qui mène à la vie éternelle, to̲ la njika ńai a kalati ni busisabe̲ na Watch Tower Bible and Tract Society, di momabe̲le̲ o mboṅsan ońola dubise̲.

Copyright © 2008 Watch Tower Bible and Tract Society of Pennsylvania. All rights reserved.