Ne̲ni Weno̲ Ná o So̲ Nje Loba a Mengane̲no̲ Wa

1. Bibe̲l ńīe nde ka jabea la tiki diwu na Loba. Ńe nde ka leta Sango nu be̲n ndolo a malomeano̲ bana bao. E mabīse̲ biso̲ mbale̲ jombwea Loba—nja eno̲ na nje a mapulano̲. E matele̲ye̲ ne̲ni o lembe̲ ndutu na ne̲ni o so̲ muńe̲nge̲ ma mbale̲. Bibe̲l mo̲me̲ne̲ nde e malangweye̲ biso̲ nje jangame̲nno̲ o bola o do̲lisane̲ Loba.—Myenge 1:1-3; Yesaya 48:17, 18.

2. Bibe̲l e tilabe̲ na lambo ka 40 ma bato oteten’a pambo a ponda ńa 1600 ba mbu, botea o mbu ma 1513 oboso ba nin pond’asu. E longedi na 66 ma kalati isadi. Batiledi ba Bibe̲l ba ta nde ba tutabe̲le̲ na Loba. Ba tili nde mo̲nge̲le̲ mao, seto̲ ma babo̲ mo̲me̲ne̲. Di me̲ne̲ so̲ ná Loba ńe o mo̲ń nde e Mbond’a Bibe̲l, seto̲ mot’a benama.—2 Timoteo 3:16, 17; 2 Petro 1:20, 21.

3. Loba ombwedi ná pe̲ńe̲pe̲ńe̲ ná Bibe̲l e tombabe̲le̲ ná te̲ite̲i na ná e kombabe̲. Bibe̲l e busisabe̲ jita buka to̲ njika kalati nipe̲pe̲. Seto̲ be̲se̲ nde ba me̲nde̲ bwe̲ muńe̲nge̲ o je̲ne̲ wa o mokwa Bibe̲l, nde o sese̲le̲ ná nika e bo̲bise̲ wa. Kie̲l’ango̲ ńa bwindea e se̲medi nde o jokwa lo̲ngo̲ la bia Loba na bola jemea lao to̲ na njika mitakisan nde.—Mateo 5:10-12; Yohane 17:3.

Copyright © 2008 Watch Tower Bible and Tract Society of Pennsylvania. All rights reserved.