Турӑ курайман ӗҫсем

1. Турӑ ҫыннисем ырра юратаҫҫӗ. Анчах та вӗсен ҫавӑн пекех усала кураймасӑр тӑма вӗренмелле (Псалом 96:10). Ҫакӑ Турӑ курайман ӗҫсенчен пӑрӑнмаллине пӗлтерет. Мӗнлисенчен?

2. Аскӑнлӑх. Мӑшӑрланичченхи ар ҫыхӑнӑвӗсем, мӑшӑрсене улталани, выльӑхпа пурӑнни, ҫывӑх тӑванпа пурӑнни тата арҫынпа арҫын пурӑнни — ҫаксем Турра хирӗҫ тунӑ йывӑр ҫылӑхсем (Левит 18:6; Рим 1:26, 27; 1 Коринф 6:9, 10). Иккӗн мӑшӑрланмасӑрах пурӑнаҫҫӗ пулсан, уйрӑлса кайсан е ҫырӑнсан тӗрӗсрех пулать (Eврей 13:4).

Ӗҫке ернине, вӑрланине, азартлӑ вӑйӑсене тата пусмӑрланине Турӑ кураймасть

3. Суя, азартлӑ вӑйӑсем, вӑрласси. Иегова Турӑ нихҫан та суймасть (Тит 1:2). Камӑн вӑл ырланине тивӗҫлӗ пулас килет, суймалла мар (Притчи 6:16—19; Колоссы 3:9, 10). Пур азартлӑ вӑйӑсем те ҫынра ҫӑткӑнлӑх вӑратаҫҫӗ. Ҫавӑнпа та христиансем нимӗнле азартлӑ вӑййа та, лотереяра та, лашасен ӑмӑртӑвӗнче те е бингора та вылямаҫҫӗ (Eфес 5:3—5). Христиансем ҫавӑн пекех вӑрламаҫҫӗ. Вӑрланине пӗлсех япала туянмаҫҫӗ тата ҫын япалине ыйтмасӑр илмеҫҫӗ (Исход 20:15; Eфес 4:28).

4. Ҫилленсе кайни, пусмӑр. Чарӑна пӗлми тарӑхни пусмӑрлама хистеме пултарать (Бытие 4:5—8). Кам пусмӑрлать, вӑл Туррӑн юлташӗ пулма пултараймасть (Псалом 10:5; Притчи 22:24, 25). Пире усал тунисене усалпа тавӑрни тӗрӗс мар (Притчи 24:29; Рим 12:17—21).

5. Тухатни тата спиритизм. Чире сыватас тесе хӑш-пӗр ҫынсем усал сывлӑшсен вӑйӗпе усӑ кураҫҫӗ. Теприсем хӑйсен тӑшманӗсене чирлесе кайччӑр тата вилччӗр тесех пӑсса параҫҫӗ. Ҫак пур ӗҫсем хыҫӗнче тӑракан вӑй — Сатана. Ҫавӑнпа та христиансен вӗсенче нимӗн чухлӗ те хутшӑнмалла мар (Второзаконие 18:9—13). Ыттисем пире тухатасран чи лайӑх хӱтӗ — Иеговӑпа ҫывӑх хутшӑнусене упрани (Притчи 18:10).

6. Ӗҫке ерни. Кӑштах эрех, сӑра тата ытти алкоголлӗ шӗвексене ӗҫнинче тӗрӗс марри нимӗн те ҫук (Псалом 103:15; 1 Тимофей 5:23). Анчах та нумай ӗҫни тата ӗҫке ерни — Турӑ куҫӗнче тӗрӗс мар (1 Коринф 5:11—13; 1 Тимофей 3:8). Ытлашши нумай алкоголь ӗҫни сывлӑха хавшатма тата ҫемьене аркатма пултарать. Унсӑр пуҫне эрехе виҫерен тухса ӗҫекен ҫын астарнисем хыҫҫӑн ҫӑмӑлах кайма пултарать (Притчи 23:20, 21, 29—35).

7. Турӑ япӑх тесе шутлакан ӗҫсене тӑвакан ҫынсем «Турӑ Патшалӑхне кӗреймӗҫ» (Галати 5:19—21). Эсӗ чӑннипех Турра юрататӑн тата ӑна юрӑхлӑ пуласшӑн пулсан, ҫавӑн пек ӗҫсенчен хӑтӑлма пултаратӑн (1 Иоанн 5:3). Турӑ умӗнче мӗн япӑххине кураймасӑр тӑма вӗрен (Рим 12:9). Хӑйсенче Турра юрӑхлӑ йӑласене аталантарнӑ ҫынсемпе хутшӑн (Притчи 13:20). Аталанса ҫитнӗ христианла юлташсем пулӑшу пама пултараҫҫӗ (Иаков 5:14). Пуринчен ытларах Турра кӗл туса ун ҫине шан (Филиппы 4:6, 7, 13).

Copyright © 2006 Watch Tower Bible and Tract Society of Pennsylvania. All rights reserved.