1. Rat k’ïy chik utziläj taq na’oj awetaman chi rij ri Loq’oläj Wuj. Re etamab’äl re’ nub’än ta chi yatok jun utziläj nimanel (Efesios 4:22-24). Chuqa’ re etamab’äl re’ nk’atzin richin nawichinaj o nawïl ri k’aslem man k’isel ta (Juan 17:3). Ri awinaq k’o chuqa’ chi nkak’axaj ri utziläj taq rutzijoxik richin yekolotäj. Ri qitzij taq nimanela’ nk’atzin nkiq’alajrisaj ri Loq’oläj Wuj. Ja ri’ nub’ij ri Tata’ixel (Hebreos 13:15; 1 Corintios 9:16; 1 Timoteo 4:16).
2. Ütz chik natzijoj chi ke ri winäq, ri awetaman kiwäch, ri yatajin nawetamaj. Tatzijoj chi ke awach’alal, awachib’il pa tijob’äl chuqa’ pa samaj. Pa rutzil (o pa rub’eyal) kach’on chi ke, chuqa’ ch’uch’uj awanima tab’ana’ (2 Timoteo 2:24, 25). Toqa pa ajolom chi ri winäq ja ri ana’oj nkitz’ët man ja ta ri nab’ij. Ruma ri’ ri ütz ana’oj nab’än, yeruto’ ch’aqa chik richin nkak’axaj ri nab’ij chi ke (Mateo 5:16; 1 Pedro 3:1, 2, 16).
3. K’o na wi jun q’ij, xkatikïr xtab’än ri nk’utüx chi ke ri nkitzijoj ri Loq’oläj Wuj. Ke ri’ xke’awachib’ilaj k’a ri ruq’alajrisanela’ ri Jehová, e k’o chupam ri molaj yape wi, richin xtatzijoj ri Loq’oläj Wuj. Re’ janila ütz richin nak’iytisaj ri awetamab’al (Mateo 24:14, CO). Jun kikotem nuk’äm pe ri nato’ jun winäq richin ntok rusamajel ri Jehová, chuqa’ nrïl k’aslem man k’isel ta (1 Tesalonicenses 2:19, 20). |
