¿Achike rub’eyal nawetamaj ri nrajo’ ri Tata’ixel?

1. Ri Loq’oläj Wuj jun nimaläj rusipanik ri Tata’ixel. Achi’el jun wuj nutz’ib’aj pe jun utziläj tata’aj chi ke ralk’wal. Nub’ij ri qitzij chi qe chi rij ri Tata’ixel: achike rija’, achike ri ütz chuqa’ ri man ütz ta nutz’ët. Nub’ij achike rub’anik nqapab’a’ qi’ chi kiwäch ri k’ayewal, chuqa’ achike rub’eyal nqïl ri qitzij kikotem. Xa xe ri Loq’oläj Wuj nb’in chi qe achike nqab’än richin nkikot ri Tata’ixel qik’in (Salmo 1:1-3; Isaías 48:17,18).

2. Ri Loq’oläj Wuj e kak’al achi’a’ xetz’ib’an, jun mil rik’in waqi’ wok’al (1600) juna’ xuk’waj xtz’ib’äx. Xtikirsäx pe, 1513 juna’ toq majani toqa ri Jesús chi ruwach’ulew. Re’ 66 wuj ruk’wan ri’. Ja ri Tata’ixel xb’anon chi ke ri tz’ib’anela’ xkitz’ib’aj re wuj re’, ntel chi tzij, xkitz’ib’aj runojib’al ri Tata’ixel man ja ta ri kinojib’al rije’. Ruma k’a ri’ ri rajaw ri Loq’oläj Wuj ja ri Tata’ixel chi kaj, man jun ta winäq chi ruwach’ulew (2 Timoteo 3:16,17; 2 Pedro 1:20, 21).

3. Toq xb’an ruwachib’äl ri Loq’oläj Wuj (o xtz’ib’äx jumul chik), ri Tata’ixel xuchajij chi pa ruchojmil o parub’eyal xb’an chi re. Chuqa’ xuchajij richin man xjalatäj ta. Kan xa xe ri Loq’oläj Wuj k’ïy elesan chi kiwäch ch’aqa chik (o nik’aj chik) wuj. Man konojel ta winäq xkekikot ruma natijoj awi’ chi rij ri Loq’oläj Wuj. Mani k’a naya’ kan ri atijonik ruma ri’. Ri ak’aslem man k’isel ta, chi qawäch apo, petenäq pa ruwi’ ri awetamab’al chi rij ri Tata’ixel, chuqa’ ri nab’än rurayib’al stape’ k’o oyowal nb’an chawe (Mateo 5: 10-12; Juan 17: 3).

Copyright © 2011 Watch Tower Bible and Tract Society of Pennsylvania. All rights reserved.