Nriho Wa Egumi Vina Na Wa Nikami - Anamona a Yehova: Site Erumeeliwe ya Nikuru na Anamona a Yehova

Web Site Orumeeleliwe wa Anamoona a Yehova

Beliefs

Future

Koddi Mulugu Onfuna Nya Wa Iyo?

Nsunzo 12

Nriho Wa Egumi Vina Na Wa Nikami
	Ninfanyela wona dhavi egumi? (1) vina oraila yari? (1)
	Akristu anlagiha dhavi ozuzuma wawa na okoyeya? (2)
	Jabure opa dhinama? (3)
	Merelo gani mwa menjene ahinlagiha nriho na egumi? (4)
	Nlamulo na Mulugu mwa nikami thivi? (5)
	Enotaganyihedheya na wikiwa nikami? (6)

1. Yehova ddi Nipara na egumi. Dhilobo dhotene dha egumi dhinimwañgana Mulugu wa egumi. (Salmo 36:9) Egumi jotxena wa Mulugu. Na egumi vina ya mwana muñgono ohinathi obaliwa, mbane mwa maye, jofuneia vaddiddi wa Yehova. Ompa na pudha nyenye oddu onunuwa jotakala vamentoni va Mulugu.—Obudduwa 21:22, 23; Salmo 127:3.

Wi nimuzivelihe Mulugu, ninofanyela orabela wikiwa nikami, makalelo otakala, vina otakala goy yofuna

2. Akristu ebaribari anozuzumela okoyeya. Anozuzumela oziwa wi mukukutha wawa na vatakulu vawa dhikale dhokoyeya. (Deuteronomo 22:8) Adhari a Mulugu kanika mowopiya egumi yawa na ovega sabwa ya ofuna na oziveliwa wothabwa. Mowi awene kankosa makuruta akani, anavoreya na pudha athu ena. Anorabela ovega ontota opanga.—Salmo 11:5; Joau 13:35.

3. Egumi ya enama jotxena vina wa Muthanddi. Mukristu poddi opa dhinama wi akane yoja na yabalo, obe wi avirabelihe wa maredda na dhowopiya. (Wita 3:21; 9:3; Obudduwa 21:28) Mbwenye jabure woniha goy dhinama obe opela dhilobo dhovega obe na oziveliwa.—Vimarya 12:10.

4. Oja fola, otakuna noz-de-betele, na omwa mirobwe sabwa yoziva kayo wa akristu. Merelo aba botakala sabwa ya (1) dhinonikosa adhari, (2) dhinononga maningo ehu vina (3) sotakala. (Roma 6:19; 12:1; 2 Korinto 7:1) Poddi okala yorutxa vaddiddi othiya makalelo aba. Mbwenye ninofanyela okosa ejene wi nimuzivelihe Yehova.

5. Nikami vina thotxena vamentoni va Mulugu. Mulugu onloga wi muzimu, obe egumi, eli mu nikamini. Vowi jabure omwa nikami. Kayo vina yofanyela oja nyama ya enama yohusijiwa pama. Nyama ya enama yohogiwa na yokwa vamuregani kinfanyela ojiwa. Akala ekwile na mwalago obe na futhi, enofanyela osijiwa momaguvamwene, akala nyamaya epeliwe ojiwa.—Wita 9:3, 4; Levitiko 17:13, 14; Merelo 15:28, 29.

6. Koddi jabure orumela wikiwa nikami? Kobuwela wila Yehova onfuna wi nitadhe nikami. Eji entapulela wi mwa mukalelo oli wotene kaninfanyela wakela mmaningoni mwehu nikami na athu ena obe nehu nokoiwa. (Merelo 21:25) Mwa dhaene, akristu a ebaribari kanrumela wikiwa nikami. Anorumela masasanyeliwo mena amediko, ninga wikiwa dhilobo dhina dhohidhela onikamini. Anofuna okalawo, mbwenye kanatagihe ovuna egumi yawa na olupa malamulo a Mulugu.—Mateus 16:25.

Nilebiwe yaka ya 1997
Copyright © 2006 Watch Tower Bible and Tract Society of Pennsylvania. All rights reserved.