Efunelo Ya Mulugu Na Elabo Ya Vati Jivi? - Anamona a Yehova: Site Erumeeliwe ya Nikuru na Anamona a Yehova

Web Site Orumeeleliwe wa Anamoona a Yehova

Beliefs

Future

Koddi Mulugu Onfuna Nya Wa Iyo?

Nsunzo 5

Efunelo Ya Mulugu Na Elabo Ya Vati Jivi?
	Osasanyelinia Yehova elabo? (1, 2)
	Sabwa gani elabo ya vati kili paraizu ovanene? (3)
	Enapadduwe txini wa athu abure? (4)
	Musongorho, Yezu onakose eni wa aredda, wa awuluvali na akwile? (5, 6)
	Weyo onfanyela okose nya wi ojevo mareliho amusongorho? (7)

1. Yehova osasanya elabo eji wi athu awodhe ojavo egumi mwenemo na mukalakala. Ohifuna wi mudhidhi wotene mwilaboni mukale athu oligana vina osanzaya. (Salmo 115:16; Izaia 45:18) Elabo txipo kinadhe egujuliwaga; enela okalawo na mukalakala.—Salmo 104:5; Eklesiaste 1:4.

2. Mulugu ainathi ompaddutxa muthu, Iyene ohisakula epaddi modha eñgono ya elabo ohisaddutxa bigakala paraizu yokoddela vaddiddi. Otxemera na nzina na mundda wa Edeni. Pu mwenemwale mwamwikilye mulobwana woroma na vina muyana woroma, Adamu na Eva. Yali yofuna ya Mulugu wi akane ana wi adhalie elabo yotene. Vañgono vañgono, awene agaisaddutxa elabo yotene ekale paraizu.—Wita 1:28; 2:8, 15.

Paraizu yoyeleliwa

3. Adamu na Eva aithega na sabwa ya olupa nlamulo na Mulugu bali ononawene. Mwa dhaene, Yehova owathamagiya mmunddani mwa Edeni. Paraizu eyeleliwa. (Wita 3:1-6, 23) Mbwenye Yehova kadduwalile wene yofuna yaye wa elabo eji. Ohilibela wi onela okaliha paraizu mwenemo munakale athu namukalakala. Anakose dhavi ejene?—Salmo 37:29.

4. Elabo ehinathi owodheya okala paraizu, enofanyela wagomihamo awogo. (Salmo 37:38) Eji enapadduwe va Harmageddo, koddo ya Mulugu wi agomihe obure. Egamala, Satana onela ofugeliwa mwa vyaka 1.000. Eji entapulela wi kavo muthu wabure onahalewo wi anonge elabo. Nikuru na Mulugu bahi thinaviluwe.—Ovuhulela 16:14, 16; 20:1-3.

5. Dhaene Kristu Yezu onele olamulela elabo ninga Mwene mwa vyaka 1.000. (Ovuhulela 20:6) Vañgono vañgono, onela okuputha dabi muyubuweloni yehu na mmaningoni mwehu. Ninelosadduwa nikale athu okana omuthu, ninga mwakaleli Adamu na Eva ahinathi othega. Kunakale vina oredda, wuluvala na okwa. Aredda anele ovulumutxiwa aliba wuluvala anele wiyelela okala azombwe.—Jobi 33:25; Izaia 33:24; Ovuhulela 21:3, 4.

6. Mwari mwa Vyaka Txikwi Dhotonga wa Yezu, athu ororomeleia anele olaba wi asaddutxe elabo yotene ekale paraizu. (Lukas 23:43) Vina, matxikwi na matxikwi a athu abale akwile anela ovenyihedhiwa egumi ya omuthu elabo ya vati. (Merelo 24:15) Agakosa enafunana Mulugu, anele okalawovi na mukalakala elabo ya vati. Mohikosa dhawene, anele onongiwa kakamwe.—Joau 5:28, 29; Ovuhulela 20:11-15.

7. Dhaene efunelo yoroma ya Mulugu wa elabo ya vati enela okoseya. Ogahiziveliwa ojavo mareliyo aba amusongorho? Mwa ejiwene, weyo onofanyela odhoavi bugasunza elobo ya Yehova na wiwelela magano aye. Odhowege osunza omatugumanoni okule o Nyumba ya Omwene ya vakukuvi ya Anamona a Yehova enela wukamya okosa ejuwene.—Izaia 11:9; Aebreo 10:24, 25.

Agamala Harmageddo, elabo enela osadduliwa ekale paraizu

Nilebiwe yaka ya 1997
Copyright © 2006 Watch Tower Bible and Tract Society of Pennsylvania. All rights reserved.