1. Pa’go esta untuñgo’ meggai man maolek siha na kosas ginen i Biblia. Este na tiniñgo’ debi di unchinachalani kumuttitiba i sensian Christiano. (Ephesians 4:22-24) Enao na tiniñgo’ presiso yangin para un adelanta hao nui taihinekkok na lina’la’. (John 17:3) Lao, i pumalu siha lokkue’ manesisita humuñgok i maolek na gaseta kosa ki siña siha lokkue’ man libre. Todu man magahet man Christiano nisisario ufan mamagat para i pumalu siha. Este otden Yuus.—Romans 10:10; 1 Corinthians 9:16; 1 Timothy 4:16.
2. Siña untutuhon mamagat nui ayo siha i man hihot giya hagu i maolek kosas siha nui esta untutuñgo’. Sañgane siha i familiammu, man amigumo, man ga’chongmu gi eskuela, yan i man ga’chongmu gi che’cho’. Na’maolek yan na’pasensia hao komu unchocho’gue este. (2 Timothy 2:24, 25) Cha’mu malelefa na i taotao sessu maado’ i konduktanña masña ke i hafa para usañgan. Pues i maolek na konduktammu siñaha’ unhalla i pumalu siha para umaekuñgok i mensahi nui para unsañgane siha.—Matthew 5:16; 1 Peter 3:1, 2, 16.
3. Ti uchagugo’, siñaha’ hao kumualifikao para untutuhon mamagat yan i man gaige gi inetnon i Testigon Jehovah siha. Este un sen impottante na pasu gi adilantommu mo’na. (Matthew 24:14) Mampos na’magof yangin sumiña unayuda otru siha para ufan mañetbi pot si Jehovah yan uhaganna i taihinekkok na lina’la’!—1 Thessalonians 2:19, 20. |
