Na’aannok Respetu pot Lina’la’ yan Haga’

1. Si Jehovah i Nana’e pot lina’la’. Todu man lala’la’ na kosas siha madidibe si Yuus nui lina’la’ñiha. (Psalm 36:9) I lina’la’ sagradu para as Yuus. Masea ayo i timafañañago na patgon gi halom tuyan nanaña presiosu este as Jehovah. Para mapuno’ ayo i lala’la’ na neni gi propositu lachi.—Exodus 21:22, 23; Psalm 127:3.

Para takomplase si Yuus, hita debi tasuhayi i haga’ mana’faloffan, timangasgas na bisiu siha, yan timannisisario piniligro

2. I man magahet na Christiano siha mangaiseguridat konsiensianñiha. Mana’seguru na i karetanñiha yan i gima’ñiha siha man libre. (Deuteronomy 22:8) Sitbienten Yuus timachule’ i timan nesisario na piniligro pot i lina’la’ñiha para minagofha’ pat para ufañalekha’. Entonses timañaonao siha gi man piligro na huegu siha nui boluntariomente mana’chetnudan i otru taotao. Masuhayi minagof nui haepok i minimu.—Psalm 11:5; John 13:35.

3. I lina’la’ i ga’ga’ sagradu lokkue’ para i Nana’huyong. I Christiano siñaha’ hapuno’ ga’ga’ siha para upribeniye nengkano’ yan magagu pat para uprotehi gue’ ginen i minalañgo yan piniligro. (Genesis 3:21; 9:3; Exodus 21:28) Lao lachi i para umana’tailaye i ga’ga’ pat para umapuno’ siha para hueguha’ pat minagofha’.—Proverbs 12:10.

4. Chumupa, mama’ pugua, yan chumuchule’ amot siha para unina’magof este siha ti para i man Christiano. Este siha na cho’cho’ manlachi sa’ (1) hana’fan esklabu hit, (2) hana’fan tailaye i tataotaota, yan (3) siha timangasgas. (Romans 6:19; 12:1; 2 Corinthians 7:1) Siñaha’ na usenmappot tayute’ este siha na bisiu. Lao debi di utacho’gue para takomplase si Jehovah.

5. I haga’ sagradu lokkue’ gi me’nan Yuus. Ilekña si Yuus na i taotao, pat lina’la’, gaige gi haga’. Pues lachi este i para takanno’ i haga’. Lachi este lokkue’ i para takanno’ i katnen ga’ga’ nui tipropiu malaknosña i haga’ña. Yangin i ga’ga’ niñikot pat matai gi okudu, ti debi di umakanno’. Yangin malansa pat mapaki, debi di umalaknos i haga’ña ensigidas yangin para umakanno’ este.—Genesis 9:3, 4; Leviticus 17:13, 14; Acts 15:28, 29.

6. Kao lachi este i para taaksepta i mana’faloffan haga’? Hasso, si Jehovah hadimanda hit na tafañuha ginen i haga’. Este kumeke ilekña na ti debi di tana’halom gi tataotaota gi masea taimanu i haga’ otru taotao pat masea i mismo haga’taha’ nui mapopo’lu. (Acts 21:25) Pues i magahet na man Christiano tiuhaaksepta i mana’faloffan haga’. Siha umaaksepta otru siha na klasen inamten medikat, tatkomu i mana’faloffan i taihaga’ na produktu siha. Manmalago’ siha na ufanla’la’, lao ti para umachagi sumatba i lina’la’ñiha ya para umayuyulang i otden Yuus siha.—Matthew 16:25.

Copyright © 2006 Watch Tower Bible and Tract Society of Pennsylvania. All rights reserved.