Fina’tinas siha Nui Hachatli’e’ si Yuus

1. Sitbienten Yuus siha maguaiya i maolek. Lao siha debi lokkue’ di uhatuñgo’ chumatli’e’ hafa i baba. (Psalm 97:10) Enao kumeke ilekña suhahayi klasen fina’tinas siha nui hachatli’e’ si Yuus. Hafa ayo siha na fina’tinas?

2. Fonikasion: Abale antes de umasagua, adutteria, bestialidat, abalen hihot parientes, yan che’cho’manflorita todus este mansiriosun isao kontra as Yuus. (Leviticus 18:6; Romans 1:26, 27; 1 Corinthians 6:9, 10) Yangin i dos ti umasagua lao sumissia i dos, debi di uhaadisapatta pat uhana’ legat i dumanña’ñiha.—Hebrews 13:4.

Si Yuus hachatli’e’ bulacheria, sinakke, aposta, yan akton linalalo’ siha

3. Dinage, Aposta, Sinakke: Si Jehovah na Yuus tisiña mandagi. (Titus 1:2) Petsona siha nui mamalagu’e i apruebasionña debi di usuhayi i dinage. (Proverbs 6:16-19; Colossians 3:9, 10) Todus fotman aposta minanchayi nui hambiento. Entonses Christiano siha timachule’ patte gi masea hafa na klasen aposta, taimanuha’ i rifa siha, adulalak kabayu, yan bingo. (Ephesians 5:3-5) Yan Christiano siha timanmañakke. Siha timatutuñgo’ manmamahan kosas sinakke pat umachule’ kosas sin petmisu.—Exodus 20:15; Ephesians 4:28.

4. Binibu, Hallalalo’: I timasustieni na binibu siñaha’ ginia hao para i akton lalalo’mu. (Genesis 4:5-8) I hallalalo’ na petsona tisiña uamigon Yuus. (Psalm 11:5; Proverbs 22:24, 25) Tidinanche i para tabengga pat para tana’empas pot i baban fina’tinas i otru nui siñaha’ na hacho’gue nuhita.—Proverbs 24:29; Romans 12:17-21.

5. Sinañgan Sabiu yan Espiritissimo: Guaha siha na taotao maagang gi i fuetsan i espiritu siha para umachage mana’kemmagong chetnot siha. Otru siha i masaffi para umana’malañgo i enimigunñiha pat lokkue’ para uhapuno’ siha. I fuetsa gi tatten este siha na fina’tinas si Satanas. Pues man Christiano siha ti debi di na umachule’ patte gi masea manu guine (Deuteronomy 18:9-13) Tagagaige hihot gi as Jehovah i itmas maolek na proteksion ginen i sinaffi nui i siñaha’ hana’ye hit ginen otru siha.—Proverbs 18:10.

6. Bulacheria: Ti baba gumimen didide’ bino, setbesa, pat otru siha na fina’ atkohot. (Psalm 104:15; 1 Timothy 5:23) Lao dimasiao ginimen yan na’bulachu man lachi gi me’nan Yuus. (1 Corinthians 5:11-13; 1 Timothy 3:8) Gumigimen meggai siña nina’ tailaye i hinemlo’mu yan haestotba i familiammu. Siñaha’ lokkue’ kinosa hao para unna’e chadidek para otru na tentasion siha.—Proverbs 23:20, 21, 29-35.

7. Petsona siha nui prumaktika fina’tinas siha nui hasañgan si Yuus na manbaba “tiuhafan hirideron i rainon Yuus.” (Galatians 5:19-21) Yangin un senguaiya magahet si Yuus ya malago’ hao ungoflamen gue’, siña unpula’ hao ginen este siha na fina’tinas. (1 John 5:3) Tuñgo’ chumatli’e hafa i ilekña si Yuus na baba. (Romans 12: 9) Danña’ yan i taotao siha nui manguinahayi yiniusan kostumbre siha. (Proverbs 13:20) Mangaiidat kompanian Christiano siha siñaha’ prinueba komu un chalan ayudo. (James 5:14) Gi hilo’ todu, apela hao gi ayudon Yuus gi tinayuyut.—Philippians 4:6, 7, 13.

Copyright © 2006 Watch Tower Bible and Tract Society of Pennsylvania. All rights reserved.