Lina’la’ Familia Nui Hagoflamen si Yuus

1. I Biblia hasañgan na i asagua (lahi) i kabesan i familia. (1 Corinthians 11:3) I asagua (lahi) debi di unoha’ asaguaña. Siha debi di uasientadudu i umakamo’ñiha gi matan i lai.—1 Timothy 3:2; Titus 3:1.

2. I asagua (lahi) debi di uguaiya i asaguaña taimanuha’ i haguaiyan maisa gue’ mismo. Debi di utrata gue’ taimanuha’ si Jesus hatrata i mantinatenña. (Ephesians 5:25, 28, 29) Nudebi di uanña i asaguaña pat mattrata gue’ gi masea taimanu. Enlugat, debi di uonra yan respeta gue’.—Colossians 3:19; 1 Peter 3:7.

I guaiyayon na tata hapribeniye i familianña nui materiat yan espirituat siha

3. I tata debi di ufacho’cho’ duro para uadahi i familianña. Debi di upribeniye nengkano’, magagu, yan guma’ para i asaguaña yan i famagu’onña. I tata debi lokkue’ di upribeniye para i familianña nui nesisidat espirituat. (1 Timothy 5:8) Haayuyuda dumerihe i familianña para umatuñgo’ pot si Yuus yan i Proposituña siha.—Deuteronomy 6:4-9; Ephesians 6:4.

4. I asagua (palao’an) debi di umaolek na ayudante para i asaguaña. (Genesis 2:18) Guiya debi di uayuda i asaguaña (lahi) gi fina’na’gue yan trening i famagu’onñiha. (Proverbs 1:8) Si Jehovah hadimanda i asagua (palao’an) para ugaiinadahi nui guaiyayon familianña. (Proverbs 31:10, 15, 26, 27; Titus 2:4, 5) Guiya (palao’an) debi di utadong i respetuña guatu gi asaguaña.—Ephesians 5:22, 23, 33.

5. Si Yuus hadimanda i famagu’on para ufan obidiente guatu gi mañainanñiha. (Ephesians 6:1-3) Haekspekta i mañaina para uhafa’na’gue yan uhakorihe i famagu’onñiha. I mañaina nisisario na uhagasta tiemponñiha gi famagu’onñiha yan uhaestudia i Biblia yan siha, maadadahi i espirituatñiha yan i nesisidat sinientenñiha. (Deutoronomy 11:18, 19; Proverbs 22:6, 15) I mañaina nudebi di uhakastiga i famagu’onñiha gi binibu pat tailaye na manera.—Colossians 3:21.

Si Yuus haekspekta i mañaina para uhafa’na’gue i famagu’onñiha yan para uhakorihe siha

6. Yangin i dos umasagua gumaiprublema ti umaadanche siha, siha debi di uhaaplika i akonsehon i Biblia. I Biblia hasohyo’ hit para tana’annok i guinaiyatta yan para tafanaasi’e. (Colossians 3:12-14) I Fino’ Yuus ti hasuok separasion komu un chalan para masatba i dikike’ na prublema siha. Lao i asagua (palao’an) siñaha’ haayek para udiñgo i asaguaña yangin (1)  haaguaguati ruminunsia para usapotta i familianña, (2) mampos malamaña na i hinemlo’ña yan i lina’la’ña gaige gi piniligro, pat (3) dimasiao i kontra nui nina’ imposipble gue’ para uadora si Jehovah.—1 Corinthians 7:12, 13.

7. I dos umasagua debi di uhafehman giya siha. Aduttiria i isao kontra as Yuus yan kontra i dos umasagua. (Hebrews 13:4) Aduttiria i uniku na rason nai siña un Christiano para udibotsia i asaguaña ya ulibre para uasagua ta’lo. (Matthew 19:6-9; Romans 7:2, 3) Si Jehovah hachatli’e’ yangin i taotao siha macho’gue dibotsia sin ugaikuyuntura gi Skriptura ya man asaguaha’ yan otru.—Malachi 2:14-16.

Copyright © 2006 Watch Tower Bible and Tract Society of Pennsylvania. All rights reserved.