Hayi si Yuus? -Testigon Jehovah siha: Watchtower Society Ofisiat Web Site

Testigon Jehovah siha: Watchtower Society Ofisiat Web Site

Beliefs

Future

Hafa si Yuus Hadimanda nu Hita?

Leksion 2

Hayi si Yuus?
	Hayi i magahet na Yuus, yan hafa i na’anña? (1, 2)
	Hafa na klasen tataotao guaha gue’? (3)
	Hafa siha i manatkilo’ na kualidatña? (4)
	Kao para tausa buttu yan sinbulu siha gi adorasionta giya guiya? (5)
	Hafa i dos chalan nai siña tatuñgo’ pot si Yuus? (6)

1. I taotao maadora meggai klase siha. Lao i Biblia hasañgane hit na guaha unoha’ MAGAHET na Yuus. Hana’huyong todu siha gi lañgit yan gi tano’. Sa’pot hana’e hit lina’la’, guiyaha’ na maisa debi di taadora.—1 Corinthians 8:5, 6; Revelation 4:11.

2. Si Yuus meggai tituluña lao unoha’ na’anña. Enao na na’an JEHOVAH. Gi memegaiña na Biblia siha, i na’an Yuus mana’suha ya matulaika nui titulu siha SAINA pat YUUS. Lao gi annai i Biblia matuge’, i na’an Jehovah umannok mas di 7,000 biahi!—Exodus 3:15; Psalm 83:18.

3. Si Jehovah gai tataotao, lao ti parehu yan i tataotaota. “Si Yuus Espiritu gue’,” ilekña i Biblia. (John 4:24) I espiritu un fotman lina’la’ nui mas tatkilo’ña kinu i lina’la’ta. Taya’ niun taotao lumi’e’ si Yuus. Si Jehovah lumala’la’ gi lañgit, lao siña hali’e’ todu siha. (Psalm 11:4, 5; John 1:18) Hafa, entonses, i espiritu santo? Enao ti petsona kulan Yuus. Enlugat, enao i makalamya fuetsan Yuus.—Psalm 104:30.

4. I Biblia hana’tuñgo’ hit nui heniuña. Hana’annok na i manatkilo’ siha na kualidatña siha guinaiya, hustisia, tiniñgo’, yan fuetsa. (Deutoronomy 32:4; Job 12:13; Isaiah 40:26; 1 John 4:8) I Biblia hasañgane hit na guiya lokkue’ dankolo minaase’ña, amapble, asi’iyun, geftao, yan pasensia. Hita, kulan obidienten famagu’on, debi di tachagi umeyak gue’.—Ephesians 5:1, 2.

Tatuñgo’ pot si Yuus ginen i nina’huyongña yan ginen i Biblia

5. Kao debi di tafanekkun papa’ pat tafanayuyut para i buttu, litratu, pat simbulu siha gi adorasionta? Ahe’! (Exodus 20:4, 5) Si Jehovah ilekña na hita debi di guiya ha’ taadora. Ti para udinaña’i yan masea hayi nui gloriaña pat masea hafa siha. Buttu siha manaifuetsa para uayuda hit.—Psalm 115:4-8; Isaiah 42:8.

6. Taimanu nai siña taketuñgo’ mas pot si Yuus? Un chalan i annai taaatan I fina’tinasña siha ya tahahasso tadudong pot hafa siha hasañgane hit. I nina’huyong Yuus siha hafa’nunue hit na sen dankolo fuetsanña yan tiningo’ña. Tali’e’ i guinaiyanña gi enteru i fina’tinasña. (Psalm 19:1-6; Romans 1:20) Otru chalan nai siña tatuñgo’ pot si Yuus i taestutudia i Biblia. Gi san halomña hasañgane hit meggai mas pot hafa na klasen Yuus gue’. Hasañgane hit lokkue’ pot i proposituña yan hafa i malago’ña para tacho’gue.—Amos 3:7; 2 Timothy 3:16, 17.

Maimprenta gi 1996
Copyright © 2006 Watch Tower Bible and Tract Society of Pennsylvania. All rights reserved.