Che’ muq’uix a ña’tan a melben i ye’tel Dios

1. Cha’an ma’ sujtel ti yamigo Dios, yom ma’ wen taj a ña’tʌbal i sujmlel bʌ am bʌ ti Biblia (1 Timoteo 2:3, 4), ma’ ñop ti isujm jini tsa’ix bʌ a cʌñʌ (Hebreos 11:6), yom ma’ cʌy a mul (Hechos 17:30, 31) sutq’uin a bʌ ti Jehová i mach chʌn che’ix ma’ wajñel bajche’ ti ñaxan (Hechos 3:19). Che’ jini, a c’uxbiya ti Dios yom mi’ ñijcan a pusic’al cha’an ma’ wʌq’uen a bʌ. Yom i yʌl cha’an ti’ a bajñelil jach, ma’ mel jump’ejl oración cha’an ma’ suben Dios a womix a melben i ye’tel (Mateo 16:24; 22:37).

2. Che’ tsa’ix ujti a chajpan jini i T’an Dios, yic’ot tsa’ix c’oti a ña’tan cha’an ma’ wʌq’uen a bʌ, che’ jini muq’uix a mejlel ti ch’ʌmja’ (Mateo 28:19, 20). Jini ch’ʌmja’ mi’ pʌs ti’ wut yonlelob cha’an jatet tsa’ix a wʌq’ue a bʌ Jehová. Jini cha’an cojach mi’ ch’ʌmob ja’ jini añobix bʌ i jabilel i muq’uix bʌ i bajñel ña’tan cha’an mi’ melben i ye’tel Dios. Che’ juntiquil mi’ ch’ʌmja’, pejtelel i bʌc’tal yom mi’ jumuc’ ajñel ti’ malil ja’ *(Marcos 1:9, 10; Hechos 8:36).

3. Che’ tsa’ix a wʌq’ue a bʌ Jehová Dios, mi’ pijtan cha’an ma’ wajñel bajche’ tsa’ wʌlʌ (Salmo 50:14; Eclesiastés 5:4, 5). Jini Diablo mi caj i ñop i mel cha’an ma’ cʌy a melben i ye’tel Jehová (1 Pedro 5:8). Pero lʌc’tesan a bʌ ti Dios yic’ot oración (Filipenses 4:6, 7). Pejcʌben i T’an ti pejtelel q’uin (Salmo 1:1-3). Chʌn ajñen ti much’ul yic’ot jini congregación (Hebreos 13:17). Mi muc’ʌch a mel ti pejtelel iliyi, mi caj a taj a p’ʌtʌlel cha’an xuc’ul ma’ wajñel ti’ tojlel Dios. Mi caj i mejlel a mel chuqui mi’ c’ajtin Dios ti a tojlel ti pejtelel ora.

¿Muʼ ba a mulan a bej cʌn majlel? Tsʼijbun jumpʼejl carta yaʼ baqui añob jini i testigojob Jehová añoʼ bʌ ti a tʼejl. Baqui yom mi' chojquel majlel