La’ lac q’uel ti ñuc jini laj cuxtʌlel yic’ot lac ch’ich’el

1. Jehová jiñʌch mu’ bʌ i yʌq’ueñonla laj cuxtʌlel. Pejtelel cuxul tac bʌ añobʌch i cuxtʌlel cha’an Dios (Salmo 36:9). Jini laj cuxtʌlel ch’ujul ti’ wut Dios. Che’ ja’el i cuxtʌlel alʌl maxto bʌ i yila pañimil cʌntʌbil to bʌ i cha’an i ña’ wen ñuc ti’ wut Jehová. Ti’ wut Dios, mach uts’atic che’ mi lac yʌlol tsʌnsan jini alʌl woli to bʌ i colel ti’ ñʌc’ i ña’ (Éxodo 21:22, 23; Salmo 127:3).

Cha’an mi lac tijicñesʌben i pusic’al Dios, mach yomic mi lac ch’ʌm ch’ich’, yic’ot jini bibi’ tac bʌ ti’ to’ol melol mach bʌ anic i c’ʌjñibal, ba’ bʌbʌq’uen an chuqui mi lac cha’len

2. Jini isujm bʌ xñopt’añob mi’ wen cʌntañob i bʌ cha’an ma’anic mi’ lowob i bʌ o mi’ lowob yaño’ bʌ. Mi’ chʌcʌ q’uelob i carro yic’ot i yototob cha’an ma’anic majqui mi’ lojwel (Deuteronomio 22:8). Jini i winicob Dios, ma’anic chuqui mi’ to’ol melob ba’ bʌbʌq’uen chuqui mi’ cha’leñob. Jini cha’an ma’anic mi’ cha’leñob jontol bʌ alas ba’ bʌbʌq’uen mi lowob yaño’ bʌ winicob x’ixicob. Ma’anic mi’ ñusañob q’uin cha’an mi’ melob jontolil (Salmo 11:5; Juan 13:35).

3. Jehová jini tsa’ bʌ i mele ti’ pejtelel animal tac, ch’ujul mi’ q’uelben i cuxtʌlel ja’el. Jini xñopt’an mi mejlel i tsʌnsan animal tac cha’an mi’ c’ux, yic’ot cha’an mi’ mel ti’ bujc i pʌchʌlel, mi’ c’am o mi jontol mi’ mejlel i tsʌnsʌntel cha’an ma’anic chuqui mi’ tumbeñonla (Génesis 3:21; 9:3; Éxodo 21:28). Pero mach wenic che’ mi lac tic’lan jini animal tac o mi lac tsʌnsan cha’an jach to’ol la com (Proverbios 12:10).

4. Ti’ ñuc’ol c’ujts, mariguana, cocaina yic’ot droga cha’an jach to’ol la com mach uts’atic cha’an jini xñopt’añob. Iliyi mach wentaquic come 1) majqui jach mi’ mel tac iliyi mi’ ñʌm’an yic’ot ti jujumujq’uix yom, 2) mi’ yʌsiben chuqui tac an ti’ malil i nʌc’ yic’ot 3) bibi’ tac (Romanos 6:19; 12:1; 2 Corintios 7:1). Cha’an ti’ cʌyol tac jini mach bʌ wentaquic tajol tsʌts, pero mi la com lac tijicñesʌben i pusic’al Jehová yomʌch mi laj cʌy.

5. Jini lac ch’ich’el ch’ujulʌch ti’ wut Dios ja’el. Dios mi’ yʌl cha’an jiñʌch laj cuxtʌlel, o ti jini lac ch’ich’el ya’an laj cuxtʌlel. Jini cha’an ti’ c’uxol ch’ich’ mach wenic. Lajal ja’el che’ mi laj c’ux i bʌc’tal animal tac mach bʌ anic loc’bil i ch’ich’el. Mi juncojt animal tsa’ jach yʌjts’i o milbil jach bʌ o tsa’ jach chʌmi ti jump’ejl yac mach yomic mi’ c’uxtʌl. Mi tsa’ tsʌnsʌnti yic’ot junts’ijt lanza o ti juloñib, yom ti ora mi lac loc’ben i ch’ich’el cha’an mi’ mejlel laj c’ux (Génesis 9:3, 4; Levítico 17:13, 14; Hechos 15:28, 29).

6. ¿Wen ba che’ mi lac ch’ʌm ch’ich’? Mach yomic mi’ ñajʌyel lac cha’an, Jehová mi’ subeñonla cha’an mach yomic mi lac ch’ʌm ch’ich’. Yom yʌl iliyi cha’an mach yomic mi la cotsan ch’ich’ ti lac bʌc’tal o ti lac chijil, yic’ot i ch’ich’el yambʌ winic o x’ixic, mi jinic lac cha’an bʌ tsa’ix bʌ i jumuc’ loc’sʌbeyoño’la ti lac bʌc’tal (Hechos 21:25). Jini cha’an jini isujm bʌ xñopt’añob ma’anic mi’ ch’ʌmob ch’ich’. Pero muc’ʌch i ch’ʌmob yan tac bʌ ts’ac, che’ bajche’ ts’ac mach bʌ yic’otic ch’ich’. Yomob cha’an cuxul mi’ yajñelob, pero ma’anic mi caj i cʌy i jac’beñob i mandar Dios cha’an cuxul mi’ yajñelob (Juan 12:25).

Copyright © 2009 Watch Tower Bible and Tract Society of Pennsylvania. All rights reserved.