Бурхан дэлхэйдэ юу хэхэ һанаатайб?

1. Яхова газар дэлхэй бүтээхэдээ, хүн зонууд тэрээн дээрэ мүнхэ жаргалан, хэтэ наhатайгаар hууха гэжэ. Тэрэ иимэ һанаатай байгаа. Дэлхэйе үнэн сэхэ сэдьхэлтэй, баясхалантай зоноор дүүргэхэ гэжэ (Псалом 113:24; Исаия 45:18). Дэлхэйе хэзээшье хюдаха шадал байхагүй. Тэрэ мүнхэ наhандаа амидаран байха (Псалом 103:5; Екклесиаст 1:4).

2. Бурхан, хүнүүдые бүтээхэhэн урид, газар дээрэ нэгэ һуури шэлэжэ абаа. Тэрэнээ ехэ гоё, үнгын сэсэгтэй саад, диваажан тогтоогоо. Тэрээндээ Едэмэй саад гэжэ нэрэ үгөө. Тэрэ саад соогоо түрүүшын эрэ, эхэнэр Адам Ева хоёрые бүтээгээ. Бурхан иимэ юумэ һанаа, тэдэнhээ үхибүүд түрэжэ, дэлхэйе дүүргэхэ байгаа. Тэдэнэр аажамгаар бүхы дэлхэйе гайхамшагтай гоё диваажан болгоохо ёhотой байгаа (Бытие 1:28; 2:8, 15).

Диваажан алдагдаа

3. Адам Ева хоёр, Бурханай хуули ёhыень мэдэжэ байгаад, нүгэл хээ. Тэрээн дээрэhээ, Яхова тэдэниие гоё hайхан Едемэй саадhаа намнажа гаргаа. Диваажан гээшэ алдагдаа (Бытие 3:1—6, 23). Тиигээшье hаа Яхова, дэлхэй юунэй түлөө бүтээhэнээ мартаагүй. Тэрэ манда найдуулана, бүхы дэлхэй дахин, гайхамшагтай гоё диваажан болохо гэжэ, тэрэ диваажан, саад соо булта хэтэ наhатай хүнүүд hууха. Хайшан гээд Бурхан энээни дүүргэхэб? (Псалом 36:29).

4. Эгээн түрүүн, дэлхэйе диваажан болгохоhоо урид, хорото муу хүнүүдые зайлуулха (Псалом 36:38). Энэ хадаа Бурханай дайнда, Армагеддон соо. Тэрээнэhээ саашань, Сатана 1000 жэл соо гэнжэдэ баригдаад байха. Энэ юун гэхэдэ? Дэлхэйдэ хоро хэһэн хүнүүд байхагүй. Амиды үлэхэ ганса Бурханай арад (Откровение 16:14, 16; 20:1—3).

5. Тэрэнhээ саашань, дэлхэй дээрэ, 1000 жэл соо Хаан, Иисус Христос, засаг бариха (Откровение 20:6). Аажамаар тэрэ бултан хүнэй ухаанаhаа, бэеhээнь нүгэлыень гаргаха. Булта хүнүүд эрхим түгэс болохо, Адам Ева хоёр шэнги, нүгэл хэхэhээ урда. Тэрэ үедэ үбшэн, үтэлhэн, үхэл үгы болохо. Үбшэн хүнүүд эдэгэжэ, үтэлэhэнүүд дахин залуу болохо (Иов 33:25; Исаия 33:24; Откровение 21:3, 4).

6. Иисусын Мянган Жэл соо засаг барижа байха үедэ, Бурханай, үнэн сэхэ хүнүүд, дэлхэйе диваажан болгоохо (Луки 23:43). Тэрэнhээ гадна, Бурхан, дэлхэйдэ олон миллион үхэгшэдые бодхоожо амидаруулаха (Деяния 24:15). Хэрбээ эдэ хүнүүд Бурханай эрилтые дүүргэжэ, дэлхэй дээрэ хэтэ наhатай болоод hууха. Үгы hаа — хододоо үгы болгоохо (Иоанна 5:28, 29; Откровение 20:11—15).

7. Тиигэжэ дэлхэйн талаар, Бурханай анхандаа хэхэ юумэниинь амжалтатайгаар бүтээгдэхэ. Ерээдүй сагта иимэ hайн газар дээрэ байха дуратай гүш? Тэрэнэй түлөө юу хэхэ хэрэгтэйб гэхэдэ, Яховые hайнаар мэдэхэ ёhотой, мэдэлыень дүүргэжэ тэрэнэй эрилтээр hууха. Ши Яховын Гэршэнүүдэй Хаан түрын Залда суглаанда ерэжэ шадахаш, тэндэ Яхова тухайн һайн мэдэжэ, эрилтын дүүргэжэ һуража шадахаш (Исаия 11:9; Евреям 10;24, 25).

Армагеддоной һүүлдэ дэлхэй баһа диваажан болохо

Copyright © 2008 Watch Tower Bible and Tract Society of Pennsylvania. All rights reserved.