Иисус Христос гээшэ хэн бэ?

1. Иисус газар дэлхэйдэ ерэхэhээ урда тэнгэридэ байжа, Бурхан шэнги харагдадаггүй байгаа. Иисус — Бурханай эгээн түрүүн бүтээгдэhэн, тиигэжэ «түрүүшын» Бурханай Хүбүүн гэжэ нэрэтэй болоо (Колоссянам 1:15; Откровение 3:14). Иисус — ганса нэгэ Хүбүүн, Бурханай гансаараа бүтээhэн. Иисусын хүн болохоhоо урда, Яхова тэнгэри газар дээрэ бүхы юумые бүтээхэдээ, тэрэнээ нарин туһалагша болгожо хамта бүтээһэн байна (Притчи 8:22—31; Колоссянам 1:16; 17). Бурхан тиигэжэ тэрэнээ Өөрынгөө гол түлөөлэгшэ болгоо. Тэрээн дээрэhээ Иисус «Yгэ» гэжэ нэрэтэй болоо (Иоанна 1:1—3; Откровение 19:13).

2. Бурхан өөрынгөө Хүбүүе газарта эльгээжэ, тэрэнээ амидаралые Мариин гэдэһэн соо абаадажа оруулаа. Тиигэжэ Иисусэй эсэгэнь хүн бэшэ. Иисус тэрээн дээрэhээ нүгэл ба дутуу юумэ абаагүй. Бурхан юундэ Иисусые дэлхэйдэ эльгээгээб гэхэдэ: 1) Бурханай тухай үнэниие хүнүүдтэ ойлгуулаха гэжэ (Иоанна 18:37), 2) Манда жэшээ харуулаад, ами наһандаа хүрэтэр эрхим түгэс үнэн сэхээр үлөө (1 Петра 2:21), 3) Хүн түрэлтэнэй нүгэлэй түлөө, өөрынгөө ами наһа үгэжэ, үхэлhөө сүлөөлхэ ёhотой байгаа. Юундэ энэ хэрэгтэй болооб? (Матфея 20:28)

3. Бурханай захиhан даабариие дүүргэнгүй, түрүүшын хүн Адам, Библи соо «нүгэл» гэжэ нэрэтэй юумэ хэбэ. Тиигэжэ Бурхан, Адамын зэмэ оложо, тиигээд шиидхэбэри үхэл үгэбэ (Бытие 3:17—19). Тэрэ Бурханай хэм хэрэгээр ябахаа болёод эрхим түгэс байдалаа алдаа. Адам аажамаар үтэлжэ үхэhэн юм. Тэрэ өөрынгөө бүхы хүүгэдтээ нүгэлөө дамжуулан үгөө. Тэрээн дээрэhээ бидэнэр булта үтэлжэ, үбдэжэ, hүүлдэнь үхэнэбди. Хайшан гэжэ бүхы хүн амитаниие абарха хэрэгтэйб? (Римлянам 3:23; 5:12)

4. Иисус Адам шэнги эрхим түгэс хүн байгаа. Иисус Адамда орходоо ямар илгаатайб гэхэдэ, Иисус ямаршье хатуу туршалгада байгаад, Бурханай үгэ дууласатай байгаа. Тиигэжэ тэрэ Адамын нүгэлэй түлөө өөрынгөө эрхим түгэс хүн ажабайдалаа үгөө. Библи соо хэлэнэ, энэ «түлөө һэн» гэжэ. Тэрээнhээ боложо, Адамын үхибүүдтэ үхэлhөө абарагдаха шадал бии болобо. Булта хүнүүд, Иисустэ этигээ hаа хайрлагдаха, тэдэ хүнүүд хожомоо хэтэ наhаяа абаха шадалтай болохо (1 Тимофею 2:5, 6; Иоанна 3:16; Римлянам 5:18, 19).

Иисус хүнүүдые һургаажа, гайхамшагтай юрэ бусын юумэ хэдэг байгаа, тиигэжэ ами наһаяа хүнүүдэй түлөө үгөө.

5. Дэлхэй дээрэ амидаржа байхадаа, Иисус үбшэн хүнүүдые аргалжа, үлэн хүнүүдые эдеэлүүлжэ, хүшэтэй шуургые номгоруулдаг байгаа. Тэрэ хадаа үхэгшэдые амидаруулдаг байгаа. Юундэ тэрэ гайхалтай юумэниие болгооб? 1) Зоболонтой хүнүүдые хайрлажа, тэдээндэ туhалхаа оролдодог. 2) Тэрэнэй гайхал юумэнүүдынь, Бурханай Хүбүүн гэжэ мэдүүлээ. 3) Тэрэ манда харуулана, юу тэрэ хэхэб, тэрэнэй үгэ дууладаг хүнүүдтэ, газар дээгүүр Бурханай Хаан түрын Хаан болоходо (Матфея 14:14; Марка 2:10—12; Иоанна 5:28, 29).

6. Иисус үхэhэн, дахин Бурхаар амидыруулһан Иисус тэнгэридэ бусаhан юм (1 Петра 3:18). Һүүлдэнь Бурхан тэрээниие, Хаан болгоо. Иисус мэнэ, газар дэлхэйhээ булта хорото ябадал, зоболон, ядаха ябадалые, угы хэхэ (Псалом 36:9—11; Притчи 2:21, 22).

Copyright © 2008 Watch Tower Bible and Tract Society of Pennsylvania. All rights reserved.