 |
Beliefs | Future | Medical | Topics | Contact Us | Publications | Languages |
| Ino mô Raha Angahoin-Jagnahary Amintsika? | Fianaragna Faha-14  |
Karakôry Andaminagna ny Vavolombelon’i Jehovah? |
|
 |
Noviagna nagnampôgna ny Vavolombelon’i Jehovah amin’andro avahizo? (1) |
|
Karakôry ny fandehany fivoriagnany Vavolombelon’i Jehovah? (2) |
|
Karakôry iantôhagna zegny raha ilagna vôla? (3) |
|
Zôvy mô mitarika fampianaragna agnatiny fiangonagna tsirekareka? (4) |
|
Ino koà anoiny Vavolombelon’i Jehovah isan-tôgna? (5) |
|
Ino aby asa anoigna agny amy foibe, avakeo agny amy birôny sampagna? (6) |
1. Tagny amy regny tôgna 1870 no nagnampôgna ny Vavolombelon’i Jehovah amin’andro avahizo. Nantsôvigna hoe Mpianatra Beboly zareo tamy voalôhany. Nalaka agnaragna tagnaty Beboly anefa zareo, tamy tôgna 1931. Vavolombelon’i Jehovah io agnaragna io. (Isaia 43:10) Fikambanagna hely zareo tagny amboalôhany tagny. Avahizo anefa zareo efa nitômbo be an-tapitrisany maro, sady mazoto mitory agny amy tany maheriny 230. 
2. Magnano fivoriagna intelo agnatiny herinandro ny ankabiazany fiangonany Vavolombelon’i Jehovah. Asegna anô mbô hamonjy ananjy io. (Hebreo 10:24, 25) Avy agnaty Beboly ny fampianaragna jiaby anoigna akagny. Tampônigna avakeo vitegna amy vavaka ny fivoriagna jiaby. Misy “hira” miorigna amy Beboly koà anoigna amin’ankabiazany fivoriagna. (Efesianina 5:18, 19) Tsisy fandoavam-bôla fidiragna aminanjy, sady avakeo koà tsisy fanantazan-drakitra.—Matio 10:8. 3. Mivory agny amin’Efitragno Fanjakagna ny ankabiazany fiangonagna. Tragno tsotra izio maheka sady tsy nikaramegna reo Vavolombelon’i Jehovah nagnano ananjy. Tsy ahitanô sary masigna na lakroà na koà raha karazany zegny agny amin’Efitragno Fanjakagna. Ny fagnomezagna zegny foy no hiantôhagna raha jiaby ilagna vôla. Efa misy boaty natôkagna ho amin-jegny akô, ho any zegny ti-hagnomià.—2 Korintianina 9:7.
4. Misy anti-pagnahy, na mpiandrekitra, agnatina fiangonagna tsirekareka. Zareo reo no mitarika ny fampianaragna agnatina fiangonagna. (1 Timoty 3:1-7; 5:17) Magnampy anjareo ny mpagnampy amy fanompoagna. (1 Timoty 3:8-10, 12, 13) Tsisy ambôny fô mitovy amin’ôlon-jiaby agnisany fiangonagna foagna zareo reo. (2 Korintianina 1:24) Tsisy agnaram-pagnajagna manôkagna amiagna anjareo, sady tsy magnatô akanjo manôkagna hiavahany aminy maro zareo. (Matio 23:8-10) Tsy karamegna koà ny anti-pagnahy, fô anoiny an-tsitrapô ny fikarakaragna ny raha ara-pagnahy ileny fiangonagna. Mahefa magnomia tari-dalagna amboàna fampionognana zareo, izikoà fa misy raha manahiragna.—Jakoba 5:14-16; 1 Petera 5:2, 3. 5. Magnano fivoriambe koà ny Vavolombelon’i Jehovah, isan-tôgna. Fiangonagna maromaro no miaraka mivory amin’io fivoriambe io. Mahazo fampianaragna manôkagna avy agnaty Beboly zareo agny. Fohita isaka fivoriambe ny fagnanovagna batisa mpianatra vôvô.—Matio 3:13-17; 28:19, 20. 6. Agny New York ny foibeny Vavolombelon’i Jehovah. Misy anti-pagnahy havanagna maromaro agny. Mitantagna fiangonagna magneran-tany ny asan-jareo reo. Filan-kevi-pitantanagna izakagna anjareo io. Magneran-tany koà misy birôny sampagna maheriny 100. Misy mpiasa tsy karamegna amy toeragna regny agny magnampy amy famoahagna amboàna fandifasagna boky mikasika Beboly. Mbôla akagny koà magnomià tari-dalagna mikasika fômba fandaminagna ny asa fitoriagna. Magnino anô tsy mandamigna fotoagna mbôra hizaha ny birôny sampagna akô, amy tany marivorivo anô?
|
|||
Nanoigna pirinty tamy 2007 |
 |
Copyright © 2009 Watch Tower Bible and Tract Society of Pennsylvania. All rights reserved. |
|
