Fagnajagna ny Egna Amboàna Ra

1. Lôharanon’egna i Jehovah. Zagnahary ny nagnomià egna ny raha miegna jiaby. (Salamo 36:9) Manan-kasigna ny egna amin-Jagnahary. Sambà ny egnan-jaza mbôla agny an-kibon-dreniny aza, de sarobidy amy Jehovah. Halan-Jagnahary izikoà kinià magnala zaza, sambà mbôla vô mifôrogna aza.—Eksodosy 21:22, 23; Salamo 127:3.

Tsy mentsy lavintsika ny fampidiran-dra, fahazaragna maloto, kinià magnano raha havoaratra na hamono tsy amin’antony, mbôra hampiravo Zagnahary

2. Mitandrigna foagna ny tegna Kristianina amy raha mety havoaratra na koà hamono. Anoiny zay atokisagna fô tsy havoaratra na koà hamono ny tômôbiliny amboàny tragnony. (Deoteronomia 22:8) Tsy kinià magnano raha havoaratra na koà hamono mbôra hitadiavagna fahafinaretagna na raha mampientagnetagna foagna ny mpanompon-Jagnahary. Tsy anoin-jareo arika fitizam-batagna misy fitiavagn’ady mbôra havoaraha ny ôlon-trafa. Tsy anoin-jareo koà ny fialam-boly misy ady.—Salamo 11:5; Jaona 13:35.

3. Manan-kasigna amy Mpagnamboatra koà ny egnam-biby. Azony Kristianina anoigna ny mamono biby izikoà ho hanigna, agnanovagna raha tafiagna, na hiarôvam-batagna amin’aretigna, avakeo aminy raha mety havoaratra na hamono. (Genesisy 3:21; 9:3; Eksodosy 21:28) Tsy manjary anefa ny mampijaly na koà mamono biby izikoà indôsigna hitizam-batagna na mbôra azahoagna fahafinaretagna foagna.—Ohabolana 12:10.

4. Tsy nanoigna ho any Kristianina ny sigara, tambako, avakeo koà ravina katy amboàna raha mahadonto mbôra azahoagna fahafinaretagna. Izô ny tsy mampanjary ananjy: 1) Magnadevo antsika, 2) mandratra ny vatagnantsika, avakeo 3) maloto. (Romanina 6:19; 12:1; 2 Korintianina 7:1) Mety fahazaragna tegna sarotra ialagna izy reo. Tsy mentsy magnano anjegny anefa antsika mbôra hampiravoagna an’i Jehovah.

5. Manan-kasigna amin-Jagnahary koà ny ra. Fôtotr’egna ny ra amin-Jagnahary. Tsy manjary arika ny hôman-dra. Karan-jegny koà ny henam-biby tsy nalatsa-dra tsara be. Tsy manjary hohanigna ny biby izikoà maty nikindegna na koà maty voafandrika. Tsy mentsy alatsa-dra malady koà ny biby voatroboka salohy na koà voatifitra, izikoà mbôla tiagna hohanigna.—Genesisy 9:3, 4; Levitikosy 17:13, 14; Asan’ny Apostoly 15:28, 29.

6. Tsy manjary marô ny magneky hampidiran-dra? Alevo onogna fô nangahoin’i Jehovah ny hifadiantsika ra. Dikan’izegny na karakôry na karakôry de tsy azontsika ampidirigna ran’ôlon-trafa na koà rantsika efa avy nakajigna ny vatagnantsika. (Asan’ny Apostoly 21:25) Tsy hikeny tegna Kristianina arika ny fampidiran-dra. Ny fitahagna hafa ndreka tsy laviny, ôhatra, fampidiragna ranon’aody tsisy ra. Tiany ny ho velogna, kanefa tsy hikeny handikagna didin-Jagnahary ny famonjiagna ny egnany.—Matio 16:25.

Copyright © 2009 Watch Tower Bible and Tract Society of Pennsylvania. All rights reserved.